عمر كمال: تعبت نفسيا من كلام الناس اللي بيقولوا فلوسك حرام وربنا مش هيتقبل منك

ظهر مطرب المهرجانات عمر كمال خلال مقطع فيديو نشره عبر صفحته الرسمية بموقع التواصل الاجتماعي "فيس بوك"، وتحدث عمر عن المضايقات التي يتلقاها من بعض الأشخاص، والذين يهاجموه عبر مواقع التواصل الاجتماعي.

المطرب عمر كمال

وقال عمر كمال خلال الفيديو: "أنا مش بعمل فيديوهات خالص برة.. الغناء والكلام ده كله عمري ما عملت فيديو في الخير أو أطلع تريند في الخير، أو أعمل حاجة خير، وأطلع عليها تريند وأركب عليها. مبحبش كدة، أنا مقتنع الخير في السر.. ده ربنا بيكرم عنه أضعاف اللي في العلن".

وأضاف: "أنا ربنا كرمنى آخر كرم عشان علاقتى بربنا كويسة.. أنا أظن كدة، تعبت من الناس نفسيًا جامد أوي اللي بتقول إن فلوسي حرام، وأن ربنا مش هيتقبل مني الخير اللي بعمله".

عمر يطلب رأي الأزهر

وتابع عمر: "عايز حد من الأزهر يطلع يرد عليا.. يا ريت أي شيخ من الأزهر يطلع يرد عليا.. أي حاجة بعملها في حياتي، بعمل أي غلط، أنا بروح أعمل فرح أو أغني في حفلة تخرج.. عمري ما طلعت قلت في حياتي إني بساعد أو بعمل خير لحد".

واختتم عمر كمال: “شايل مسؤولية فرقتي وعيلتي كلها، وفاتح أكتر من 50 أو 60 بيت غير الناس اللى حواليه شايل مسئوليتها.. طب أنا فلوسي حرام الناس اللي بتنتقد بقى عملت إيه في حياتها ساعدت ناس أو دفعت فلوس عمليات أو دفعت إيجار لحد، أنا بعمل كل ده ومش بطلع أتكلم في الخير”.

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار الاقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر، دوري القسم الثاني، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.