أسامة عباس يكشف كلمة السر في انتقاله من المحاماة للتمثيل
قال الفنان أسامة عباس: "الأجيال الجديدة مابيعجبهاش أوي الشغل القديم بتاعنا وبيتعاملوه معاه وكإنه تاريخ، الشياكة زمان كان إن الواحد يلبس البدلة لكن دلوقتي الشياكة إنه يقلع البدلة، الفجوة بيننا وبين الجيل اللي قبلنا كانت أقل كثيرا من دلوقتي".
ذكريات أسامة عباس في الجامعة وممارسة المحاماة
وأشار خلال لقائه ببرنامج “يحدث في مصر” الذي يقدمه الإعلامي شريف عامر بقناة “إم بي سي مصر”: "لما دخلت الجامعة اشتريت فيسبا وكنت بروح بيها الجامعة وكانت حاجة غريبة وقتها، وعشقت المحاماة ومشيت فيها في بداية حياتي كويس وكنت محامي مش بطال".
أول دور في مسيرة أسامة عباس التمثيلية
ولفت أسامة عباس: "مثلت أول دور ليا في مسرحية طبيخ الملايكة والمخرج حسن عبد السلام طلبني بالاسم لما شافني في فرح الضيف أحمد، وقتها كنت شغال محامي في شركة النصر فعملت مذكرة قانونية رسمية يسمحولي بالتمثيل في غير أوقات العمل الرسمية، لقيت واحد اسمه فؤاد عوف قال لي احنا فرقة ثلاثي أضواء المسرح، ومن وقتها كان هناك تغيير شامل في حياتي وساعة الحياة بالنسبة لي اتغيرت بدل ما أني أنام 10 بالليل بقيت انام 10 الصبح".
وأشار: "مكنتش متصور إني هاستمر في مسألة التمثيل، الأمر بالنسبة لي كان تحدي وهارجع شغلي الحقيقي تاني، ولكن رواية ورا رواية استمريت في الفن ومراتي ساعدتني في المسألة دي لإنها كنت تتولى تربية الأولاد وقدرت تحافظ عليهم، وأولادي محدش فيهم مثل وملقتش حد فيهم عنده الموهبة الكافية للتمثيل، الكبير خريج آداب إنجليزي والتاني مهندس".
أسامة عباس يكشف سبب صعوبة مشواره الفني
وأكمل: "مسيرتي الفنية كلها صعبة جدا لإني باخد الأمور بجدية شديدة وباحفظ دوري ولم يحدث في 55 سنة اني اتأخرت على عرض أو أوردر تصوير غير مرة واحدة كنا راجعين من القاهرة للإسكندرية فالقطار وقف في كفر الدوار واتأخرنا بسبب القطار وفي اليوم ده مكنش فيه عروض مسرحية خالص".
ولفت: "طول حياتي كنت سايبها دايما على الله وربنا متخلاش عني بالقدر اللي ممكن يقلقني أو يخوفني أو يزعجني".
قوة ثلاثي أضواء المسرح
وأكد: "فرقة ثلاثي أضواء المسرح عمرهم ما قالوا كلمة تخدش حياء حد، ومن حق كل جيل إنه يختار نوع الفن اللي يقدمه ومش من حقي أفرض عليهم نوع فن معين، احنا ممكن اللي قدمناه من فن ميعجبهمش ولا يضحكهم".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
