ملهوش في الجواز، نجوى فؤاد تفجر مفاجأة بشأن العندليب وسعاد حسني
قالت الفنانة نجوى فؤاد: "رقصي مع العندليب عبد الحليم حافظ في أغنية قولوله الحقيقة كانت بوابة النجاح رغم إني كنت كومبارس، عمري وقتها كان 16 سنة، واتعمل ليا مستخرج رسمي بإن عمري أكبر من كده علشان مينفعش أدخل مكان فيه خمور وأنا طفلة".
شخصية عبد الحليم حافظ في نظر نجوى فؤاد
وتابعت خلال لقائها التليفزيوني مع نزار الفارس بقناة "دجلة": "عبد الحليم حافظ كان شخص جميل وأخلاقه جميلة وإنسان متواضع وكل يوم عند أصحابه بيقعد على الأرض ويمسك الدف ويغني".
حب عبد الحليم حافظ لسعاد حسني
وأضافت: "حبيت عبد الحليم حافظ كإنسان وفنان وعجبني أسلوبه مش كحبيب لأنه كان بيحب سعاد حسني أيامها وهي كانت صديقتي".
هل تزوج عبد الحليم حافظ من سعاد حسني؟
وأكدت: "عبد الحليم حافظ متجوزش سعاد حسني واللي يقول إنه اتجوزها غلطان وأختها اللى قالت إنه اتجوزها غلطانة، هو كان بيحبها بس متجوزهاش لأن صحته متسمحلوش إنه يتجوز بدون تفسير لإن مينفعش أطلع سر إنساني زي ده".
صحة العندليب وقصة زواجه من سعاد حسني
وأوضحت: "عرفت أن صحة عبد الحليم حافظ متسمحلهوش أنه يتجوز لأننا روحنا معاه عدة مرات للأطباء، وقعدنا معاه وهو مريض وبيتنقله دم، واللي بيقول إنه اتجوز سعاد حسني يطلعوا ورقة الزواج يمكن احنا غلطانين".
ونقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الأدبية والثقافية.
