معرفش بصمت على إيه، نص اعترافات شقيق عصام صاصا في تزوير توكيل رسمي
تنظر محكمة جنايات الجيزة بعد قليل أولى جلسات محاكمة مطرب المهرجانات عصام صاصا وشقيقه و2 آخرين في اتهامهم بتزوير محرر عبارة عن توكيل رسمي.
وجاء في نص أقوال شقيق عصام صاصا ما يلي:
س: ما اسمك وسنك ؟
ج: محمد طه طلعت 24 سنة
س: ما تفصيلات اعترافك ؟
ج: اللي حصل إن بعد ما عصام أخويا عمل الحادثة وكان عنده حفلة متحددة من زمان يوم 9 مايو اللي فات هو سافر ساعتها علشان يحضر الحفلة دى وبعدها سارة خليفة منظمة حفلات كلمتنى من رقم دولى من الإمارات وقالتلى في شخص هيكلمك وهتروح تقابله تاخد منه ظرف وهتخليه معاك وبعدها في رقم مصري كلمنى قالى أنا محمود تبع سارة هبعتلك لوكيشن عشان تیجی تقابلنی وابعتلي صورة بطاقة عصام صاصا فأنا بعتله صورة البطاقة وش وظهر ورحت على اللوكيشن اللي بعتهولي بعربية أوبر وقابلته وركب معايا في العربية وكان معاه ورق وقاللى امضى هنا بالاستلام وابصم واخدت منه الظرف مفتحتهوش ومشيت.
س: وما قولك بما ثبت بتحقيقات النيابة العامة بأن التوكيل سالف الذكر مزور وأن شقيقك عصام طه طلعت ليس هو القائم بالبصم على التوكيل؟
ج: أنا معرفش إن هو مزور وأنا كنت فاكر إني بستلم حاجة لعصام.
س: إذا ومن الذى يعلم بحقيقة ذلك التوكيل وما يحتويه من بيانات؟
ج: أكيد سارة خليفة عشان هي اللى كلمتنى وقالتلى والشخص اللى اسمه محمود اللى قابلني وسلمني التوكيل.
س: وما هي كيفية إعداد ذلك التوكيل وإثبات ما به من بيانات؟
ج: أنا معرفش أكيد سارة خليفة هي اللى عارفة أنا حتى معرفش بيانات المحامى اللي مكتوبه في التوكيل.
س: وهل القائم بأخذ توقيعك وبصمتك على علم بأن التوكيل مزور؟
ج: ايوة هو اكيد كان عارف بالبيانات والكلام اللى مكتوب وانا بوقع وببصم عليه
س: وما قولك بما ثبت بتقرير أبحاث التزييف والتزوير بأنك القائم بالبصم والتوقيع على التوكيل رقم 1965 لسنة 2024 المنسوب صدوره لعصام طه طلعت؟
ج: أنا معرفش إنى بصمت على التوكيل أنا بصمت ومضيت بالاستلام بس.
س: ومن القائم بارتكاب ذلك التزوير في ذلك التوكيل؟
ج: أنا معرفش إن ده توكيل، هو قالي هتبصم وتوقع على إقرار استلام الظرف.
س: ومن القائم على إعداد ذلك التوكيل المزور ؟
ج: أنا معرفش مين اللي عمل التوكيل دا بالضبط بس كل اللي أعرفه إن سارة خليفة هي اللي بعتتني عشان أخد المظروف ده من الراجل اللي كلمني وهي بعتتله رقمي عشان يكلمني وهما الاثنين كانوا متفقين على ده
وجاء في تحريات مباحث الأموال العامة، أن محمد شقيق عصام صاصا، ومحمود الجوهري قاموا بتزوير محرر رسمي رقم 965 أ لسنة 2024 مكتب توثيق مجلس النواب بالاتفاق والمساعدة مع موظف سابق ومطرب المهرجانات عصام صاصا مع علمهم جميعا بأمر تزويره.
كما قام المتهمين باستغلال الإهمال الجسيم لموظف الشهر العقاري بمكتب توثيق مجلس النواب وذلك بان اتفق المتهم الرابع مع المتهمين الأول والثالث لارتكاب تزوير في التوكيل المذكور.
وأضافت التحريات أن عصام صاصا ساعد شقيقه وموظف سابق، بأن أمدهما بصورة بطاقة تحقيق شخصيته وتوقيعاته لتقليدها ورقم هاتف المتهم الثالث لتسهيل ارتكابها فاتفقوا على مخططهم الإجرامي.
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
