فريدة سيف النصر عن أزمة شيرين وروتانا: كفاية كدة اعتقوها لوجه الله
أعربت الفنانة الكبيرة فريدة سيف النصر عن استيائها الشديد من الأزمة المستمرة بين الفنانة شيرين عبد الوهاب وشركة روتانا السعودية للصوتيات التي تحذف جميع أغنيات شيرين الجديدة بشكل دوري.
وفى هذا الشأن قالت فريدة سيف النصر دعما لشيرين عبد الوهاب: يا شيخه بالله عليكي غني وبس أرمي كله..غني وغني وعيشي مع المزيكا..وأمانة يا روتانا يا أصيلة.تتصالح أو سيبوها كفاية اللي مرت بيه..وفي النهاية كله ماشي نهدي بقي.
وتابعت فى منشور آخر عبر حسابها الرسمي بموقع “فيسبوك”: ما كفايه بقى.أنا معتقدش الوليد موافق علي كده. أنتم بتطولوا الشغل بتاعكم هو مافيش غيرها ولا ايه. خدوا اللي تاخدوه واعتقوها لوجه الله...كفايه إحنا كفنانيين نطالب النقابات التدخل وأن وصل الأمر للرئاسة كفاية بقي روتانا مقبرة المطربين المصريين وحط تحتها مليون خط.وانا مش مطربة لكن مصرية وهي مصرية.
و كشفت شيرين عبد الوهاب تفاصيل أزمتها مع روتانا قائلة: “قسمًا بالله العظيم في مؤامرة معمولة عليَّ علشان أقعد في البيت وأنا مش بكبر الموضوع، وأنا ما كنتش بتكلم وكنت قاعدة زي ست خيبتها".
وأضافت خلال مداخلة هاتفية ببرنامج “الحكاية” المذاع عبر فضائية “mbc masr”، تقديم الإعلامي عمرو أديب: "صوتي مش هيتقطع أبدًا وهفضل أغني وراكبة القطر بتاعي وما حدش هيعرف يوقفه، خلاص أنا سكت كتير”.
وعن أزمتها مع روتانا قالت الفنانة شيرين عبد الوهاب: “إزاي ياخدوا مني 8 مليون جنيه، بس يا عم أنا فلوسي كتير خليني أفنجر عليهم شوية، أنا بناشد القضاء المصري زي ما اتحكم لروتانا بالغلط إنهم ياخدوا مني 8 مليون بالسرعة دي، أنا كمان القضايا اللي رفعاها يتحكم ليا بسرعة لأني ليَّ حق”.
وتابعت: "صحتي زي الفل وأنا فلة شمعة منورة وبحب جمهوري جدًّا وكتر خيركم وعلى دماغي اللي بتعملوا علشاني، وأنا ماضية دلوقتِ مع شركة ربنا، وهو اللي ممشيني ومنجحني وواقف معي وأنا لا أحتاج شركات، وأنا مبسوطة كدا آخر انبساط، والكل يلزم حده ومحدش يجيب سيرتي أنا فنانة كبيرة".
واختتمت: "مش هبقى حصري لحد تاني أنا أكبر من كدا اوي دفعت نصر محروس من 16 سنة وأنا كنت عاملة نص العقد بتاعي، رحت لروتنا الكل يلزم حدة انا فنانة وفنانة كبيرة أوي والكل يلزم حده".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
