عمرو أديب يخرج عن شعوره بعد خروج الزمالك من الكاس: تعبت وزهقت كنتو انسحبتو أكرم ليكم (فيديو)
![عمرو أديب، فيتو](images/no.jpg)
عمرو أديب، علق الإعلامي عمرو أديب، على خسارة نادي الزمالك من طلائع الجيش وخروج من مسابقة كأس مصر من الدور الـ16.
عمرو أديب: الزمالك محتاس بعد انسحاب الأهلي من الكأس
وقال عمرو أديب خلال برنامج "الحكاية" المذاع على قناة "إم بي سي مصر": "لما الأهلي انسحب من الكأس قلنا الكأس هيروح لأجدع وأحسن ناس بس الزمالك لقيناه محتاس ويضيع الكاس".
عمرو أديب لجماهير الزمالك: إحساسك إيه كزملكاوي؟
وتابع: "لو انت زملكاوي بالله هذا الموسم عليك قل لي ماذا تشعر؟ إحساسك إيه؟ ايه هو الشيء اللي مخليك تكمل زملكاوي؟ إيه اللي بيحصل فين اللعيبة وسبتو المدرب يسافر ليه؟ إيه حالة التراخي اللي أنتو فيها؟
عمرو أديب يتوقع خسارة الزمالك في السوبر الإفريقي
وأضاف: "إيه الفكرة اللي جوا الزمالك إننا نستنى السوبر الإفريقي، هنتغلب في السوبر بالشكل اللي أنت فيه ده باللعيبة دي وبالروح دي وبالجون ده، هنتغلب في السوبر بسكور كبير وكتير".
عمرو أديب يوضح الفارق بين الأهلي والزمالك
ولفت: "الفرق بيننا وبين الأهلي مسافات يا حبيبي، إيه اللي بيجرى ده يا جماعة، إيه الشيء اللي بتعمله إدارة الزمالك؟ ايه هي الإدارة وفين الكورة واللعب وفين المدرب؟ تعبت وزهقت ما تشوفوا حل يا جماعة، في الأهلي لما بيتعادلوا ماتش الجمهور بهدلهم ولما لعيب اتعوج بهدلته، إنما احنا في الزمالك برود شديد عند الإدارة والجمهور وأصبح الأمر معتاد بيتغلب بيخرج بيطلع، طيب كنت انسحب يا أخي أكرم لك، هتقول لي هتعاقب طيب ليه هما هيعاقبوا الأهلي؟ تعبت مش عارف آخد إجازة حتى".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.