قبل حفله بالقلعة غدًا،5 أغان لـ حمزة نمرة تصدرت التريند وحققت مئات الملايين من المشاهدات
يحيي الفنان حمزة نمرة حفلا غنائيا ضخما،غدا الأحد، ضمن فعاليات الدورة الحالية من مهرجان قلعة صلاح الدين للموسيقى والغناء.. وسط ترقب كبير من جمهوره ومحبيه فى كل مكان.
أغنية داري يا قلبي
وقبل انطلاق حفله المنتظر غدًا بالقلعة نستعرض أبرز 5 أغنيات لحمزة نمرة خطفت الاسماع بقوة وتصدرت التريند العربي.. ومنها أغنية “داري يا قلبي”،حيث استطاعت تلك الأغنية الدرامية أن تحقق 420 مليون مشاهدة عبر موقع يوتيوب فقط، وظلت على صدارة الترند العربي شهريين متتاليين.
وتقول كلماتها: مالك مش باين ليه؟ قلبك تايه من مدة كبيرة.
خايف تتكلم ليه... في عيونك حيرة وحكاوي كتيرة
متغير ياما عن زمان... قافل علي قلبك البيبان
حبيت وفارقت كم مكان...عايش جواك
احساسك كل يوم يقل... وتخطي وخطوتك تذل
من كتر ما أحبطوك تمل... فين تلقى دواك
بتودع حلم كل يوم... تستفرد بيك الهموم
وكله كوم والغربة كوم... والجرح كبير….
أغنية فاضي شوية
كذلك أغنيته “فاضي شوية ” الصادرة عام 2021 والتي حققت 310 ملايين مشاهدة .. والتي ظهر من خلالها وهو يشكي من الوحدة وأهوال الحياة بشكل درامي.
ويقول حمزة نمرة فى مستهل الأغنية:
آه يا سلام
سيبنا الوقت يعدي أوام
ما حسبناش اللحظة الجاية
دا اسمه كلام
عيشنا العمر نربّي حمام
بس نسينا نقوم غيّة
ومايهمكش عادي
اسمع مني الساعة دي
مش وقت عتاب أو لوم
فيها ايه لو نرجع تاني
وبدل ما تكون وحداني
تسندني معاك ونقوم
فاضي شوية
نشرب قهوة فى حتة بعيدة
أغنية زهرة
أيضا نجحت أغنية “زهرة” التى طرحها بالأسواق العربية منتصف عام 2018 بفضل طابعها الدرامي الحزين..
وتقول كلماتها:
فيه ناس كتير الشر فيها
والمظاهر بتداريها
وزهرة مش شايفة الوش الحقيقي ليه
الطيبة دي ما تغرّكيش
مهما يقول ما تصدّقيش
ده مافيش أسهل من الكلام
إنتي أصلًا مش فارقة عنده
أناني وبيفكر في نفسه
يومين وهيقول لك سلام
أغنية مع السلامة
وأيضًا ضمن أشهر أغنياته الأخيرة والتي اقتنصت نسب مشاهدات ضخمة بسبب الجو الدرامي لها هى أغنية “مع السلامة” التى طرحها حمزة نمرة عام 2014، وجاءت من كلمات محمود فاروق، ألحان حمزة نمرة وبتوزيع: مصطفى نجم
تقول كلماتها: والله يا ميت خسارة.. القسوة ماهيش شطارة
لو فيكي رحمة يا دنيا.. طيب إيه الأمارة
صعبانة عليا نفسي.. مش قادر أسيبكوا وامشي
وأودّع كل حاجة.. قدام باب العمارة
يعني الذكرى الجميلة.. وسنين عُمري الطويلة
فجأة بسببك يا دنيا
وقفوا عليا بخسارة
ومع السلامة السلامة.. مضحوك علينا م الدنيا ياما
ومع السلامة السلامة.. دنيا غريبة ومفرّقانا
أغنية يا مظلوم
وعلى رأس أغاني حمزة وأكثرها شهرة وتداول عبر منصات التواصل الاجتماعي أغنية"يامظلوم".. بكلمات: محمود فاروق
وألحان: حمزة نمرة،وتوزيع: إيمري موجولكوش.
وتقول كلمااتها:
يا مظلوم ارتاح.. عُمر الحق ما راح
ليك يا ظالم يوم.. تشرب أسى وجراح
ياللي اتظلمت خلاص.. مستني إيه م الناس؟
ده زمن مالوهش أمان.. فيه الغلبان عليه ينداس
ولا شكوى غير لله.. ما تخافشي وانت معاه
صبرك ده رب كبير
عليم وبصير.. ولا بينسى
يا ظالم على فين؟.. لو عشت لك عُمرين
بكره تموت وهناك.. أمام الله تردّ الدين
بُكره ميزان وحساب.. ولا عِزوة ولا أحباب
آخرتها كل ده راح
طِلعت بَنيت..أمل كداب
ونقدم لكم من خلال موقع (فيتو)، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
