بشرى تكشف سر حبها لزوجها الجديد وترد بقوة على حملة الهجوم عليها (فيديو)
قالت الفنانة بشرى: "سر حبي لخالد حميدة جوزي إن شخصيته مستقلة جدا وعايش خارج مصر وترك البلد من سنوات وبيفكر خارج الصندوق المعتاد بتاعنا هنا".
سر حب بشرى لزوجها
وأضافت بشرى خلال لقائها ببرنامج "حد النجوم" المذاع على قناة "دي إم سي": "خالد زوجي شبه فكري وعلى قد ما أنا شرقية وبحترم المجتمع اللي أنا فيه بس أنا عندي أفكار غربية كتير علشان نشأتي كمان زيه، هو برضو مواليد بريطانيا زي حالتي وعملي زيي بالظبط".
طبيعة شخصية زوج الفنانة بشرى
وتابعت: "خالد زوجي شخص بيحب الطبيعة وبيكره المدينة وبيحب يبعد عن المدن ويروح للمناطق الطبيعية وإحنا شبه بعض، وهو مركز في شغله ومجتهد، واتخض من ردود الفعل على الفرح بتاعنا واستغرب من الأضواء المسلطة على الفرح فقلت له علشان تقدر وانك لازم تجامل وترحب الناس كلها ".
وأكملت:"هو مخضوض من اللي حصل في فرحنا وكل شوية يجي يقول لي هو عادي كده اقوله أيوا عادي كده".
بشرى ترد على التعليقات السلبية عن زواجها
ولفتت:"التعليقات الوحشة على فرحنا وزواجي كنت متوقعاه بس هي مبقتش تؤثر فيا مطلقا، وكل واحد يشوف اللي هو عايز يشوفه، فيه ولاد حلال كتير أوي ابتدوا يكلموا أبو ولادي وابتدوا يهروا بس أنا والد ابنائي رجل محترم وانسان عاقل ورزين وهو أول واحد بيكبسهم وبيهزق الناس الشريرة وانا ببعتله شكر".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
