طارق النهري يبكي ويكشف كواليس أزمته: توقعوا موتي في السجن والإخوان أهدروا دمي (فيديو)

قال الفنان طارق النهري:"محنة السجن ادتني رؤية جديدة للحياة وفلسفة جديدة وخلتني أشوف الدنيا بمنظور تاني، وخرجت لقيت بنتي كبرت قدامي، فكان لازم أسيب لها حاجة تقول أبويا أهو ما يتقلهاش أبوكِ كان في السجن".

طارق النهري يكشف كواليس فترة السجن

وأضاف خلال تصريحات بقناة "زائد" على يوتيوب: "أكتر حاجة كانت وجعاني إني في السجن وبنتي بتكبر برة، وخصوصًا إني كنت مظلوم كمان بيكون وقعها أكبر على النفس، كله كانت متوقع إني هموت جوا السجن مش هستحمل بس ربنا سبحانه وتعالى نزل عليَّ سكينة وصبر لما أراه في حياتي".

وتابع طارق النهري: "أنا من النوع اللي ما يقدرش يقعد في أوضة حتى لو فيه تكييف لفترة كبيرة ولوحدي، فما بالك لما أقعد في زنزانة مترين في مترين 23 ساعة لوحدي، قعدتي مني للحيطان فوصلت إن أنا ربنا نزل عليَّ المقدرة إني يجي لي حالات من التأمل الشديد إني لما أبص للحيطان أغير ألوانها بعينيَّ لإني مش هتبقى الحيطة رمادي كالح طول الوقت فبقيت أعيش مع شخصيات بخرجها من داخلي وأتعامل معاها وطبعا كان صديقي المصحف الشريف ما كنتش بسيبه، فتعلمت التأمل الشديد جدًّا وعرفت بجد إن ربنا سبحانه وتعالى بيعدل لنا الطريق وبيحطنا على طريق جديد".

بكاء طارق النهري لحظة رؤية ابنته

ودخل طارق النهري في نوبة بكاء، قائلًا: "كانت لحظة صعبة أوي لما خرجت من السجن وعرفت إني بنتي كبرت، بس لما لقيت بنتي في وشي هانت الدنيا عليَّ، وأول يوم خرجت رحت قعدت عند أخويا بس كان الشكل غريب في كل حاجة وما كنتش قادر أستوعب الوضع لإن خلاص رجعت للحرية وفيه مساحة وفيه ألوان والأمور اختلفت تماما، وبعدها بيوم اتصل بيا ناس في جهة سيادية قالولي خد شنطتك وروح على مستشفى وادي النيل علشان أحسن نفسيتي وقعدت أسبوع هناك وعملوا كل ما يمكن تخيله وكان فيه شياكة في التعامل، وعوضوني عن فترة السجن وكان سبب السجن بتاعي الإخوان هما اللي دخلوني ولبسوني القضية لإن وقتها كان فترة حكم مرسي".
 

انضمام طارق النهري وصبري عبد المنعم لفريق عمل "المدرسة"

تامر شلتوت: عانيت لمدة عامين بسبب وفاة أخي ووالدي ثم انفصالي

حقيقة صورة أزمة طارق النهري

وأكد: "فيه صورة ليَّ وأنا ماسك الطبنجة والحقيقة أنا كنت ماسكة ضد الإخوان والجماعة قلبوها إنها ضد الجيش المصري، ويوم ما نزلت الصورة وطلع مذيع إخواني في رابعة طلع قال الفنان البلطجي طارق النهري مباح دمه".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.