كنت هموت وأتجوز، جميلة عوض تكشف لأول مرة كواليس قصة زواجها (فيديو)
جميلة عوض، قالت الفنانة جميلة عوض: "ما كانش على بالي أتجوز خالص والقرار كان مؤجل للأبد، من كتر ما الناس بتعلق تعليقات سلبية على الزواج".
سر رفض جميلة عوض الزواج في البداية
وأضافت خلال لقائها ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "من ضمن تفكيري في عدم الزواج إني كنت عايزة أركز في شغلي لحد لما وصلت لدرجة إني هموت وأتجوز".
بداية قص حب أحمد حافظ لـ جميلة عوض
ولفتت جميلة عوض:"موضوع ارتباطي بدأ من عند أحمد حافظ هو بيمنتج حاجتي وبيحبني من أوضة المونتاج ومن وقت هيبتا وهو معجب بيا وقتها انا كنت صغيرة في السن وسأل عليا حد من اصحابه فقال له صغيرة أوي وفكك من الموضوع ومش هتديك وش يعني".
وتابعت:"عملت مع أحمد حافظ حاجات كتير وهو اللي منتج هيبتا والضيف ولا تطفئ الشمس و4 إعلانات وفيديو كليب 3 دقات، وبعد لا تطفئ الشمس كنا في حفل في مهرجان الجونة وراح قال انا بحب اية أوي اسم الشخصية بتاعتي، وقال لتامر كذا مرة حبيب أنا بحب اَية أوي، فتامر فضل يهزر فرديت عليه انا مبحبش الهزار في الحاجات دي علشان مش عايزة يطلع عليا إفيه وخاصة انا مش في دماغي الزواج".
هروب جميلة عوض من أحمد حافظ
وأكملت:"كنت بهرب منه وهو كان بيحاول يقرب مني وبيجيبلي هدايا غريبة أوي من السفر زي عريس وعروسة بيتلزقوا على التلاجة أو كريم من بلد أجنبية، ومكنش الموضوع في دماغي خالص لحد لما جت الكورونا وبيبقى يكلمني بشكل دائم وابتديت أحس بوجوده".
متى قررت جميلة عوض الزواج من أحمد حافظ؟
ولفتت:"أحمد حافظ قال لي أنا بحبك واديني فرصة أكون موجود في حياتك ولو مش عايزة اديني يومين ولو رفضتي الفكرة خلاص نرجع صحاب، بس هو كان متمسك جدًّا بيَّ وبقول اكيد هييفيص مني مع الوقت ويقولي انا مش هقدر على موضوع الصداقة ولكني فوجئت مع مرور سنة انه مبيشتكيش حتى في أي خروجة".
وأشارت:"هو حسسني بأمان معين معاه وخلاني أبص له بشكل مختلف وبقيت متعلقة بشكل أكتر وابتدى الموضوع يختلف ولقيت عدا سنة وملقتهوش بيبتزني، ونيتي كانت في الأول اننا نكمل اصدقاء ومحطتهوش في أي اختبار ولكن وقعت انا كمان في حبه وانتهى الموضوع بالزواج".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية.
