زيادة أسعار البنزين تشغل بال المصريين، والنشطاء: ليه الزيادة دايمًا على الغلابة؟!
ارتفاع أسعار البنزين، تصدر ارتفاع أسعار البنزين والسولار تريند مصر عبر مواقع التواصل الاجتماعي، وشغل بال المصريين عبر مؤشر البحث الأكثر شهرة "جوجل"، حيث دشن النشطاء العديد من الهاشتاجات منها "البنزين"، و"ارتفاع اسعار البنزين"، والأسعار الجديدة"، و"أسعار الوقود".
ارتفاع أسعار البنزين بشكل مفاجئ
وأثار ارتفاع أسعار البنزين بشكل مفاجئ، صباح اليوم الخميس، ردود أفعال واسعة بين نشطاء مواقع التواصل الاجتماعي، الذين عبروا عن حالة من الضيق التي انتابتهم لزيادة أسعار المنتجات، التي تتبع زيادة أسعار البنزين والسولار.
علقت الناشطة توتا أحمد على زيادة أسعار البنزين فقالت: "البنزين زاد سعره! اليوم الخميس، والناس أغلبهم أجازه! ننزل السبت كلنا نتفاجئ بأسعار المواصلات، كرهت الإجازات".
أنا البلوجر أحمد أشرف فقال " روحت اشتري كيس فول من شويه بـ5 لقيت الراجل في المطعم بيقولي أقل حاجة بقت بـ7 عشان البنزين غلي..."
البنزين أصبح بالسعر العالمى ولا لسه
ووجه الناشط أحمد إسماعيل رسالة لرئيس الحكومة قائلًا: "هو يا مدبولي مش البنزين أصبح بالسعر العالمى ولا لسه في زيادة جديدة على الشعب الغلبان..."
ورد البلوجر أيمن خطاب قائلًا: "عندي إقتراح يساعدنا على تجاوز المرحله... اللي يصبح على حد يصبح عليه بلتر بنزين، الورد والفُلّ والياسمين زمانهم ولى خلاص، ملحوظه البنزين يكون ٩٢ عشان الحساسات والموتور ما يلخبطش ياريت نهتم بالموضوع ده"
أما الناشط عصام نويه فعلق قائلًا: "الحكومة غفلتنا وإحنا نايمين ورفعوا سعر البنزين جنيه ونص، ده حتى المنتخب الأوليمبي اتعادل إمبارح!"
وقال البلوجر أمير منير فرج: "شوف حضرتك أنا معنديش عربية ومعنديش موتوسيكل ومعنديش عجلة حتى، معنديش أى وسيلة مواصلات ورغم كدة بحاسب على البنزين زي اللي عنده مرسيدس ليه معرفش"
الدول بترفع السعر كل ١٠ سنين
وعلق الناشط ربيع سعد فقال: "كل أسبوع في زيادة.. الدول بترفع السعر كل ١٠ سنين... وفي مصر كل ١٠ ساعات"
ورد الناشط تامر كامل قائلًا: "رفعوا ليه سعر السولار.. كدا كل أسعار الأكل هتزيد.. حكومة الله يرحمها"
وعبر الناشط سامي عبده عن حزنه فقال: "الواحد كره كلمه إجازه رسميه، علي طول بيحصل فيها حاجه تعكنن علي الشعب..."
أما البلوجر أحمد سعيد فقال: " بصراحه... حكومه مدبولى بتاعه زمان كانت تديك المصيبه ١٢ بالليل تتنكد وتنام، لكن دلوقتي تعلنها الصبح عشان تفضل طول اليوم متنكد"
أما البلوجر حسن سيد أحمد فعبر عن انتقاده قائلًا: "معنى كدة ان الأولاد يقوموا من النوم مش هيلاقوا فطار. طيب ممكن صاحب فكرة زيادة المحروقات يسعر لنا فطار اليوم. الفول أو الطعمية واحنا نختار واحدة منهم. ما خلاص أيام العز راحت كان فول وطعمية. الآن نحتار واحدة منهم. وحان الآن نزع فيشة الثلاجة"
الحكومة تنكد على المصريين والنيجر خفضت الأسعار
وعلق الناشط علي عبد الله فقال: "الاخبارالنكدية.. الحكومة متعمدة تنشرها الصبح لغرض، تسببب في رفع الجلطات والازمات القلبية لشعب." وقال خالد الهواري: "كدا في غلاء أسعار جديد في المواد الغذائية"
أما البلوجر محمد إسماعيل فقال: "أعلنت سلطات النيجر تخفيض أسعار البنزين والديزل بنسبة 7.5% اعتبارا من 23 يوليو الجاري. وذكرت الحكومة النيجرية في بيان صحفي أن الهدف من تخفيض أسعار الوقود "السماح بتخفيض أسعار النقل وبالتالي أسعار المواد الأساسية...".
ورد الناشط محمد حسن قائلًا: "بمناسبة زيادة سعر البنزين النهاردة... رئيس الوزراء قال خلال سنة ونص هنزود تدريجي بشكل يعمل توازن.. مصطلح توازن كان رئيس الوزراء وضحه الشهر الماضي وهو ان البنزين يبقي مربح للدولة بحيث تقدر تدعم السولار؛ يعني مصر بتبيع يومي 25 مليون لتر بنزين تكسب منهم بحيث تقدر تدعم 40 مليون لتر سولار"
وعلق الناشط علي حشمت فقال: "كل انواع البنزين زادت 10٪ ليه السولار يزيد 15٪؟ هي الزيادة الاكبر دايما على الغلابه؟..."
ورد الناشط إيهاب العناني قائلًا: "البنزين بينزل سعره عالميا.. وعندنا نرفعه محليا لارضاء صندوق النقد..."
نقدم لكم من خلال موقع (فيتو)، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
