ميدو: موقف مؤثر أبعدني عن شرب الخمر وبقالي 7 أشهر مبطل (فيديو)
ميدو وقصة شرب الخمر، كشف أحمد حسام ميدو لاعب منتخب مصر السابق، عن موقف مؤثر جعله يتوقف عن شرب الخمر.
لحظة صعبة ميدو خلال شرب الخمر
وقال "ميدو" خلال تصريحات بقناة "زائد" على يوتيوب: "كنت قاعد في البيت بتفرج على ماتش وبشرب خمرة وشيشة، وتعبت وابني دخل عليا هو وأصحابه وأنا مش مظبط، رحت أقعد معاهم كتير وطلعت نمت وصحيت الصبح قلت المشهد ده كأب مش مظبوط".
متى قرر ميدو التوقف عن شرب الخمر؟
وتابع: "دايما كان عندي حتة التكبر وأقول إيه يعني بشرب، والحمد لله من وقت موقف ابني وأصحابه بقالي حوالي 7 شهور مبطل خمرة، وابتديت أحط مسئوليات عليا علشان أعدي المرحلة دي".
مسئولية أولاد ميدو في توقفه عن شرب الخمر
وواصل: "اجتمعت بأولادي تاني، على 20 سنة، وحسين 16 سنة، وقلت لهم عايزكم تساعدوني إني مشربش خمرة تاني، علشان أحط مسئوليات عليا، لقيتهم يتجاوبوا معايا، وقالولي ياريت وهنعمل أي حاجة عشان متشربش تاني، وفي أول خطوة بقيت في البيت مبشربش، وبعدها بشوية بدل ما نروح الجونة والبحر قلت ليسرا مراتي تعالي نزور الحرم".
زيارة الحرم المكي
وتابع:"يوم الوقفة اخدنا طائرة ورحت ومراتي مكة المكرمة علشان أبعد عن الخمر، لإني عارف لو طلعت في الأول البحر وركبت مركب انا واصحابي هشرب خمر، واتعلمت إني أقول لأ دلوقتى ولو حد قعد معايا وبيشرب خمر مش هدوس معاه".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
