شوبير: يوجد عشوائية في التحكيم و"بيريرا ماشي"
شن الإعلامي أحمد شوبير، هجوما على البرتغالي فيتور بيريرا، رئيس لجنة الحكام باتحاد الكرة.
وقال «شوبير» في برنامجه «مع شوبير»، المُذاع عبر «أون سبورت إف إم»: «بيريرا كان عندي ضيف قبل كده، وسألته هل في إمكانية لاستقدام حكام أجانب تاني في الدوري، رد عليا وقالي: طول ما أنا موجود لا، وفجأة اتحاد الكرة يعلن عن طاقم تحكيم إسباني لمباراة القمة».
وتابع: «أوجه رسالة لاتحاد الكرة، لو عاوز تصلح حال الكرة المصرية فعلا، يبقى لازم تعلن من دلوقتي نظام الدوري في الموسم الجديد، وكل يوم بقول الكلام ده، وتحط ضوابط وقواعد للتحكيم بدل العشوائية اللي بنشوفها دي».
وقال شوبير: «من ضمن الحاجات اللي هتجنني حوار الكابتن محمد الحنفي، لساني نشف بسببه، وبيريرا قالي مش هيلعب تاني خلاص وسقط في الاختبار، ولن يتواجد حكم ساحة مرة أخرى، نبص نلاقي امبارح إن الحنفي بيدير بيراميدز والمقاولون ونجم المباراة، أيوة حضرتك كنت باعده ليه؟».
وشدد أحمد شوبير: بيريرا راكب دماغه برضه، ومصمم إن محمد عادل يعتزل السنة الجاية، وبصراحة مش فاهم ليه، وكلنا شفنا أداء عادل في كأس أمم أفريقيا الأخيرة، وبالمناسبة قرار إن الحكم يعتزل بعد وصوله لسن الـ45 مبقاش موجود خلاص، طالما الحكم قادر يكمل عادي ولا أي مشكلة.
واختتم: «اتحاد الكرة تدخل، وقال لبيريرا احنا عندنا حكام كويسين، ومش هيمشي معانا الكلام ده، وبعد كلام أحمد دياب غالبا كدا هيحصل غربلة في لجنة الحكام، وبيريرا ماشي خلاص».
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة ، أخبار مصر، أخبار اقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
