عمرو أديب عن انسحاب الزمالك من القمة: إيه القمص ده دا أنتو بتنافسو الجونة (فيديو)
عمرو أديب، علق الإعلامي عمرو أديب، علي أزمة تهديد نادي الزمالك بالانسحاب من مباراة القمة أمام النادي الأهلي يوم الثلاثاء المقبل، ضمن مباريات الدوري العام.
أزمة انسحاب نادي الزمالك من مباراة الأهلي
وقال عمرو أديب خلال برنامج "الحكاية" المذاع على قناة "إم بي سي مصر": "هو الزمالك هيلعب ماتش يوم التلات اللي جاي ولا لأ دا السؤال المهم في مصر، في ناس بتقول في النهاية الزمالك هيلعب وفيه ناس بتقول لأ خلاص مش هتنزل المرة دي".
عمرو أديب يسخر من مجلس الزمالك بسبب الانسحاب من القمة
وتابع: "أنا رأيي أن الزمالك لازم يلعب مينفعش واحنا جوا الدوري تيجي فرقة معجبهاش ماتش أو كورة نطت علي الخط أو ما نطتش على الخط وفيه مؤجلات أو مفيش مؤجلات وتيجي فرقة تقرر أنها مش هتلعب مفيش حاجة اسمها مش لاعب، والزمالك مش بيلعب الماتش علشان الدوري والكأس الزمالك في المركز الـ11 مش مثلا خلاص والنقطة دي هتفرق معاه".
عمرو أديب يوجه رسالة قوية لمجلس ادارة الزمالك
وأكمل:" أناشد مجلس إدارة الزمالك لو سمحتوا العبوا يوم التلات اللي جاي، وإزاي النهاردة وانا لاعب في الزمالك مبقاش عارف أهم ماتش في الدوري هلعبه ولا لأ، في حين إن الفريق التاني مجهز نفسه لكل شيء لماتش التلات الجاي وابن الزمالك حاطط ايده على خده ومش عارف هيلعب ولا لأ، هو فيه حاجة كده يا جماعة، أنت منتظر من لاعب بتقوله احنا مش لاعبين وبعدين تقول له يلا يا إبراهيم يلا يا محمد بكرة يا حبيبي عايزين نكسب الأهلي مفيش كده يا جدعان".
مشكلة مجلس إدارة نادي الزمالك في ظل تراجعه في ترتيب الدوري
وواصل: "إيه يا جماعة اللي بيحصل ده؟ ايه نظام القمص ده؟ دي بطولة واحنا بنلعب فيها ولما ما نلعبش النتيجة انت كده بتدي الـ3 نقاط هدية للنادي الأهلي وبتعطي لعيبته راحة علشان ياخد الدوري قدام الفرقة المتقدمة ويتخصم منك 3 نقاط، مع احترامي احنا بنافس الجونة، هل ده قرار مسؤول إننا ما نلعبش هو يا ربي احنا مش مكتوب لنا أبدًا نصرة، كانت ريال مدريد أو برشلونة عملوا كده وانسحبوا ما هما بردو اتعرضوا لنفس الأخطاء دي والمصايب عندهم نفس الحكاية".
وأكمل: "الصح نلعب يوم التلات بس الغريب إننا نلعب يوم التلات".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
