المخرج طارق العريان عن نجاح ولاد رزق 3: قدرنا نرتقي بالأكشن

تحدث المخرج طارق العريان، عن النجاح الذي حققه فيلمه ولاد رزق 3، والذي دخل قائمة أعلى إيرادات يومية في تاريخ السينما المصرية بعد طرحه بـ5 أيام فقط في السينمات بموسم عيد الأضحى.

في هذا السياق قال طارق العريان، خلال المؤتمر الصحفي المقام حاليًا بمدينة الرياض، على هامش العرض الخاص لـ ولاد رزق 3، بالسعودية: دعم هيئة الترفيه خدنا لمستوى تاني من الصناعة، قدرنا نرتقي بالأكشن ونعمل أكشن مختلف مش بس بإمكانيات مادية ولكن نقدر نصور في أماكن ما ينفعش نصور فيها، خدنا وقتنا لأن الأكشن محتاج تكلفة ووقت لأنه مش حاجة ممكن نرتجلها لازم دراسة وتحضير وفي الآخر ممكن ما تظبطش فترجع تعيدها تاني ودي إمكانيات مش سهلة نعملها إلا بدعم هيئة الترفيه.

وتابع طارق العريان: الصناعة محتاجة تسويق، والتسويق اللي اتعمل لـ ولاد رزق مختلف وهو سبب من أسباب الإقبال الفظيع عليه.

آسر ياسين: اللي بيتفرج على ولاد رزق بيبقى نفسه يكون جزء منه

على جانب آخر، قال آسر ياسين، في المؤتمر الصحفي، المقام حاليًا بالرياض، على هامش العرض الخاص لـ فيلم ولاد رزق 3: أنا سعيد بوجودي في الرياض جدًا، التصوير هنا كان مريح جدًا وكان فيه كل الدعم والتسهيلات، الشايب بالنسبة لي دور أنا بحبه جدًا، واللي بيتفرج على ولاد رزق بيبقى نفسه يكون جزء منه، سعيد جدًا بالنجاح والتجربة والشايب يمكن يبقى فيلم لوحده أو يبقى موجود في الجزء الرابع محدش عارف".

كما تحدث الفنان أحمد عز، عن كواليس  فيلم ولاد رزق 3، قائلًا: إحنا سعداء جدًا إننا بنفتح الفيلم هنا في العيد، دي حاجة بتسعدنا وتشرفنا، الفيلم ده كان من أصعب الأجزاء اللي اتعملت، ولولا دعم تركي آل الشيخ مكنش الفيلم طلع بالشكل ده، والشراكة المصرية السعودية بتفيد الفيلم وبتخليه يقرب من المستوى العالمي، الفيلم العربي لازم يقرب وأنا دايمًا بتحمس وعندي الفكر أني أقدر أعمل زي الخواجة بالدعم والتنظيم والمادة اللي بقت أساسية في الإنتاج علشان تواكب وأنا بشكر الهيئة العامة للترفيه على الدعم ده وهي السبب اللي الفيلم يطلع بالشكل ده.

ولاد رزق 3

فيلم ولاد رزق 3 بطولة أحمد عز، عمرو يوسف، آسر ياسين، سيد رجب، محمد لطفي، وعدد كبير من ضيوف الشرف منهم كريم عبدالعزيز، تايسوف فيوري.

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.