إيدك في وسطه ليه، تعليق غريب من عمرو أديب على أزمة الهضبة ومعجب حفل الزفاف
واقعة عمرو دياب، علق الإعلامي عمرو أديب، على واقعة صفع المطرب عمرو دياب لأحد المعجبين خلال إحدى حفلات الزفاف.
مشكلة الشاب مع عمرو دياب ومحمد رمضان
وقال عمرو أديب خلال لقائه ببرنامج “الحكاية” المذاع علي قناة “إم بي سي مصر”: "الشاب اللي اتصفع المفروض إنه جاي علشان عنده شغل مش علشان يتصور وحاول يتصور مع محمد رمضان لكن محمد رمضان ما اداهوش وش، رد فعل عمرو دياب كان كبير وضربه بالقلم حاجة ما حدش يقدر يستوعبها ولا يبررها لكن أنت مش هتتصور مع الهضبة بالعافية".
تطفل الشاب على عمرو دياب ورد فعل الهضبة
وتابع: "الشخص صاحب واقعة الصفع هو مستعد ينكد على أي حد بهذا التطفل الشديد اللي بقى موجود بشكل مستمر غير معقول وآخر حفلة لعمرو دياب كان رايحين وراءه الحمام وهو قال لهم عايزين إيه أنا رايح الحمام"، متابعًا: "هناك أصول للاقتراب من المشاهير ما أنا كمان بني ادم لازم تقدروا ده".
وواصل: "تصرف عمرو دياب إنسانيًّا غير مقبول لكن مسألة التطفل واقتحام الفنانين دي زادت الهستيريا إني أتصور وسيلفي بقت كتير وبايخة".
وتابع: "شُفنا الشاب حاطط إيده في وسط الهضبة وحط الموبايل في وشه وكان ممكن عمرو يزقه بس رد الفعل اللي حصل إنه ضربه بالقلم، الشاب مش مدعو للفرح ده ولا هو من أهل العريس ولا أهل العروسة، نفس الطريقة عملها مع محمد رمضان وشده من إيده، تصرف بقى كتير وصعب وفيه ناس بتستحمل وفيه ناس ما بتستحملش".
مشكلة عمرو دياب مع الشاب خلال واقعة الصفع
وأكمل: "المشهور عليه واجب بس هو كمان بني آدم ما ينفعش تمسكه من غير استئذان وتحضني ليه وإيدك على وسطي ليه بس رد فعل عمرو دياب كان زيادة"، لافتًا: "الشاب حاول يتصور مع عمرو دياب 4 مرات والأمن نزله".
واختتم: "فيه خطأين واضحين خطأ الشاب أن التصوير بالتراضي والحب مش بالعافية والزق والشد والمسك لأ بالشكل ده مش هيتصور ولا هتلمسني ولا هتحط إيدك على وسطي بس عمرو دياب كان رد فعله عنيف".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
