متصل: زوجتى طلبت مني اكتب عليها عرفي عشان تاخد المعاش، رد قاطع من وكيل الأوقاف

قال متصل من الجيزة ببرنامج «الدنيا بخير»، على فضائية «الحياة»: "مشكلة حصلت بينى وبين مراتى وطلبت الطلاق فطلقتها، وتدخل أهل الخير لردها فوافقت، لكنها  كانت أنهت إجراءات معاش والدها، وطلبت مني اكتب عليها عرفي عشان تاخد معاش والدها وأنا لم اوافق أن يأكل اولادى حراما: هل كده انا عليا ذنب أو ظلمتها؟

وعلق الدكتور أيمن أبو عمر، وكيل وزارة الأوقاف لشئون الدعوة الإسلامية: لا ذنب على المتصل، والطلب الذي طلبته زوجته ده يعتبر حرام وتحايلا، وايه اللى بيخلى بعض الناس تلجأ ليه، وكمان فى ناس تنفصل مخصوص علشان تأخذ معاش والدها، وبتروح تعمل القصة الرجوع العرفي دى علشان يفضل المعاش معاها.

وأضاف وكيل وزارة الأوقاف لشئون الدعوة الإسلامية: إن حالة المتصل والحالات اللى شبه دى لا يجوز أبدا لحد يعمل كده، تقنين الأوضاع فى المجتمع اللى إحنا عايشين فيه ده أمر يرجع للشرع، تقنين الأوضاع اللى إحنا عايشين فيها دى مسؤولية الدولة، والمسؤولية دي الدولة تستمدها من المسؤولية الشرعية ليها، والقوانين دى لها صبغة الشرعية، مش بعيد أبدا من شرع ربنا.

وتابع الدكتور أيمن أبو عمر، أن ولي الأمر هو يحكم أمور الناس بالقوانين اللى فيها مصلحة للناس، ودى فيها مصلحة أن الدولة قررت أن المال ده لفئة معينة من الناس يساعدها على حياتها، ولكن لما ترجع لجوزك انتى مش من الفئة دى.

وأوضح وكيل وزارة الأوقاف لشئون الدعوة الإسلامية، لو الزوجة رجعت لزوجها ليس لها أحقية بمعاش والدها ، لأنها هى مش من الفئة دي وتكونى تعديتى على حق غيرك وأخذت مال غيرك والمال ده لا يحل لك، والتحايل لو هيدخل على الناس ويدخل على الأوراق مش هيدخل على ربنا سبحانه وتعالي، والحلال بين والحرام بين.

وتابع: مبلغ من المال ممكن يكون خراب البيت، وممكن يكون سبب فساد الأبناء، لأنه كل جسد نبت من حرام أو سحت فالنار أولى به.
 

ما المقصود بالليالي العشر، وما علاقتها بالحج؟ محمد سيد طنطاوي يجيب

ما هو النبأ العظيم، ومن هم السائلون؟، محمد سيد طنطاوي يجيب

نقدم لكم من خلال موقع (فيتو) ، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.