زوجة عصام صاصا تدافع عنه: أحن قلب وبيحس بالناس وجابها من الصفر
دافعت “جهاد ماهر” زوجة مغني المهرجانات عصام صاصا، عن زوجها عبر حسابها الشخصي على موقع الصور الشهير “انستجرام”، مشيرة إلى أن لهم حق الرد على الاتهامات التي وجهت له عبر السوشيال ميديا خلال الأيام الأخيرة، وذلك بعدما دهس شابا أعلى الطريق الدائري بالجيزة، وتسبب في وفاته على إثر الحادث.
زوجة عصام صاصا تدافع عنه في قضية حادث السير
وكتبت زوجة عصام صاصا عبر خاصية الاستوري: "عصام أكثر واحد عمره ما بيرد على كلام الناس بس الطرف الثاني ربنا يصبرهم يا رب.. الإعلام استغلهم وخلاهم يطلعوا يكلموا في وقت المفروض حد يقف جنبهم ويصبرهم، وخلاهم يكلموا وهما أصلا مكنوش في الواقعة".
وأضافت: "بيقولوا إن أخوهم كان واقف على رصيف غلط الكلام ده غلط ومن أول يوم وعصام قال أقواله في النيابة إن الراجل ظهر في نص الطريق".
وتابعت: "بما أن القضية بقت رأي عام وعصام كل ده مطلعش رد عشان الحالة اللي هو فيها متسمحش، بس التجاريح والإشاعات كترت وإحنا لينا الحق في الرد، ولازم تسمعوا الحادثة من الطرفين قبل ما تحكموا".
زوجة عصام صاصا
واختتمت زوجة عصام صاصا قائلة: "النهاردة أنا هطلع أدافع عن جوزي وفي شهود في الحادثة هيطلعوا ويتكلموا، لأن الظلم حرام أنا جوزي مش بيدوس على ناس بفلوسه، أنا جوزي اللي كنت بتقولوا عليه سواق توك توك جابها من الصفر، برضه أحن قلب وأكتر واحد بيحس بالناس فأنا مش هسمح أن أي كلمة غلط تتقال عليه تاني".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
