مجدي عبد الغني: أنا اللي علّمت اللعيبة يسجدوا في الملعب وباخد ثوابهم

أكد الكابتن مجدي عبد الغني أنه أول لاعب مصري يسجد في الملعب قائلا:" أنا أول لاعب سجد في الملعب وأنا آخد ثواب كل اللعيبة اللي عملوا كده بعدي بعد ما شافوني بسجد لأني كنت أول واحد أسجد في الملعب في مباراة مصر وهولندا في إيطاليا 

وأضاف مجدي عبد الغني خلال لقائه في برنامج حبر سري، لقب منتخب الساجدين المفروض ينسب ليا، لأني أنا أول واحد سجد وعلمت اللعيبة يعني إيه سجود في الملعب أنا كنت بسجد في البرتغال، والناس كانت مبسوطة مني والتدين شيء جميل 

وقال الكابتن مجدي عبد الغني: "أنا لولا أبويا الله يرحمه كان مستور لولا إني كنت واقف علي رجلي دلوقتي.. وكان عندنا مصانع طوب وعندنا أراضي.

تصريحات مجدي عبد الغني 

وأضاف مجدي عبد الغني، خلال لقائه في برنامج “حبر سري”: “وعملت من البرتغال فلوس وكسبت من الإعلام والكورة والبيزنس فلوس، وكنت باخد من الاهلي 250 جنيها في الشهر وبعت أرض للدولة في جزيرة الوراق وأخدت مبلغ كويس”.

ومن ناحية أخرى، كشف محمود عبد المنعم كهربا لاعب النادي الأهلي، كواليس أزمته مع الكابتن مجدي عبد الغني، خاصة بعدما أثار الجدل خلال حلقته مع الفنان رامز جلال ببرنامج "رامز جاب من الآخر".

عقد كهربا مع نادي الزمالك

وقال "كهربا" خلال لقائه ببرنامج "أسرار" الذي تقدمه الإعلامية أميرة بدر بقناة "النهار": "قمت بتمديد عقدي لمدة سنة مع نادي الزمالك عام 2016، ومضيت العقد على بياض ثقة وحبا في نادي الزمالك ومفيش حد بيعمل كده، ولما مضيت حبا وثقة هما استغلوا الموقف ده بعد لما خرجت إعارة لنادي اتحاد جدة السعودي".

بداية الأزمة مع مجدي عبد الغني 

وأضاف: "في 2017 أي بعد توقيعي على عقدي مع الزمالك قام النادي بملء العقد اللي مضيت عليه وفي 2018 وثقوا العقد في اتحاد الكرة، مع إن المفروض إن العقد لو متمش توثيقه يبقى ملهوش قيمة ويتشال، مين اللي كان مسئول عن توثيق العقود في اتحاد الكرة وقتها الكابتن مجدي عبد الغني هو اللي كان مسئول لإنه مدير لجنة شئون اللاعبين اللي العقد لازم يوصله ويشوفه سليم ولا مش سليم، طيب بناءً عليه وثقه؟ بيرد ويقول أصل الرسوم اتدفعت، الرسوم دي بتدفع في البنك، نادي الزمالك راحوا البنك جابوا العقد بتاعي وكم عقد من عقود اللاعبين الجداد ومدفعوش الرسوم كاملة وخدوا إيصال من البنك وسلموه لمجدي عبد الغني اللي وثق عقدي بدون ما يتأكد إن العقد سليم ولا مش سليم وده الظلم اللي اتعرضت له".

وواصل كهربا: "اللي زود الظلم عليا لما حصلت القضية في المحكمة الرياضية الدولية والدنيا تمام، الكابتن مجدي عبد الغني والمسئولين في اتحاد الكرة بعتوا للمحكمة إن العقد سليم والمفاجأة بقى في القصة إنهم حطوا تمديد في العقد 4 سنين مش سنة زي ما أنا كنت متفق والعقد كان فاضي وهما ملوه، أنا ممدت سنة واحدة بس علشان أكمل إعارتي في اتحاد جدة السعودي، واستغلوا إني مضيت على بياض وملوه وحطوا فيه 4 سنين، والعقد بقى كمان اتوثق بعدها بسنتين وده باطل".

وأكمل: "مجدي عبد الغني ميعرفش حاجة عن حب وخير النادي الأهلي عليه، واللي حصل معايا ده أكبر دليل، أي واحد خير النادي الأهلي عليه وساعده يبقى له اسم في البلد كان لازم يرد الجمايل دي علي النادي ولكنه اختار مصلحته فقط في القضية بتاعتي".

تعرض كهربا للظلم

واستطرد: "ليه أنا شاب وأكل عيشي من الكورة ليه تظلمني وأنا من دور عيالك؟ علشان مصالح ما بين بقى بين مجدي عبد الغني ونادي الزمالك وفيه مصالح ما بينهم كتير".

وأكد: "أنا كنت كسبان قضيتي مع نادي الزمالك، لولا إن مجدي عبد الغني وأحمد مجاهد واتحاد الكرة موقفوش معايا، وبصموا ومضوا ضدي، وأنا حقي عند ربنا، وأنا مش هواجه مجدي عبد الغني ولكن حقي عند ربنا وكل يوم دعوتي في الصلاة وطول العمر هادعي عليه وحسبي الله ونعم الوكيل فيه وربنا هيجيبلي حقي دنيا وآخرة، والله العظيم مجدي عبد الغني ظملني".

حق كهربا الذي عاد

وأكمل: "أنا لو راجل ظالم ربنا هيقف معايا لما رجعت، ربنا كرمني بـ6 بطولات مع النادي الأهلي وهداف أفريقيا ورجعت المنتخب تاني وشاركت في بطولة أفريقيا ومستوايا الحمد لله كويس، والحمد لله اخدت حقي".

وتابع: "مجدي عبد الغني مش بيكرهني بس هو عنده مصالح وأنا اللى اتدبست في الوش، ولو هو قال عليا عيل مش هرد عليه".

ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.