أمير مرتضى منصور يكشف أسرار رحيل إمام عاشور عن الزمالك وموقفه من أبو تريكة (فيديو)
![أمير مرتضى منصور،](images/no.jpg)
أمير مرتضى، قال أمير مرتضى منصور، المشرف السابق على الكرة بنادي الزمالك: "أنا اللي جيبت إمام عاشور للزمالك ومحدش وقتها كان يعرف عنه حاجة لإنه كان في غزل المحلة ومعار لحرس الحدود، ولما عرضت على مجلس الإدارة قلت لهم ده هيبقى أحسن لاعب في مصر".
انتقال إمام عاشور للزمالك
وأضاف خلال لقائه ببرنامج "أسرار" الذي تقدمه الإعلامية أميرة بدر بقناة "النهار": "لما قلت لهم إمام عاشور عنده 20 سنة وهنجيبه بـ12 مليون جنيه كل الناس استاؤوا بسبب سعره، المهم جيبناه وحاربت عليه ووقع في الزمالك 5 سنوات ومنورش إلا في السنة التالتة لما فرجاني ساسي مشي من النادي وبدأ يتوهج".
عقد إمام عاشور
ولفت: "إمام عاشور وقع 5 سنين كان أول سنة بيتعرف على النادي وبيعمل مشاكل ويتعاقب وتاني سنة نضج شوية والسنة التالتة كسر الدنيا وبقى جامد والسنة الرابعة أنا رجعت الزمالك تاني وكان فاضل له سنة بس في عقده، أنا أبني وبعد لما أمشي كل اللي بنيته بينتهي، فكان خلاص عقده يعتبر انتهى وقرر يمشي".
نماذج النادي الأهلي الناجحة
وأشار: "الأهلي عنده نماذج ناجحة أنا بحبها زي حسام غالي وعماد متعب ومحمد شوقي وأبو تريكة، ومعنديش مشكلة إني لو شوفت أبو تريكة في أي حتة أقوله عايز أتصور معاك".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.