فاروق فلوكس يكشف عن تعرضه للظلم من فنان كبير: سرق روايتي وربنا وراني فيه آية (فيديو)
قال فاروق فلوكس إنه تعرض لظلم كبير من ممثل وفنان معروف لن يقدر على قول اسمه، لأن اللي عمله معايا كان صعب وبسببه دخلت في نوبة بكاء مش قادر أنساها وأسرتي تأثرت بشدة من اللي حصل".
سرقة فاروق فلوكس من فنان كبير
وأضاف خلال لقائه ببرنامج “كلم ربنا” الذي يقدمه الإعلامي أحمد الخطيب، من خلال الراديو 9090: "الشخص اللي ظلمني ده أكل حقي وسرق مني شغل مهم بعد ما ضغط عليا بنفوذه وقهرني، لكن -سبحان الله- ربنا خلاّني أشوف فيه آيه، لأن أكل الحق ده أسوأ ما يتعرض له الإنسان في الدنيا".
ولفت فاروق فلوكس:"أنا أساسا بترجم روايات واعمال فنية أجنبية وفي يوم من الأيام ترجمت رواية مسرحية مهمة وتعبت فيها جدا لأنها هتتحول لعمل فني كبير.. الممثل والفنان المعروف ده طلب يشوفها وخدها مني علشان يقول رأيه فيها فقط.. لكن فوجئت إنه نقل الترجمة ونسخها أو بمعني أصح سرقها، ولما واجهته بالسرقة أجبرني على بيعها بعد ما خوّفني وهددني واضطريت أعمل عقود صورية علشان أضمن حقي المادي بعد ما سرق مني العمل اللي تعبت فيه".
وواصل: "الفنان ده كان اسم كبير ومعروف ومكنتش متوقع منه إنه يعمل معايا كده وبسبب اللي حصل تأزمت نفسيا لأنه كل حقي وقهرني، وبعد ما سرق مني الروابة أجّر مسرح وعمل فرقة مسرحية كبيرة علشان يمثلوها مسرحية تقعد سنين".
وأكمل: "من إحساسي بالعجز والخوف لجأت إلى مقام سيدنا الحسين وهناك كلّمت ربنا واشتكيت وبقيت أقول لربنا بعلو صوتي أنا اتظلمت وعاوز حقي.. وريني حقي فين ورجعهولي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
