أحمد عز يكشف مفاجأة عن أول مهنة له قبل التمثيل وسر غضب والده منه (فيديو)
أحمد عز، قال الفنان أحمد عز: "أبويا ما كانش من الناس اللي شايفني هبقى ممثل خالص، هو كان شغال في البترول، فكان شايفني هشتغل في نفس المجال اللي هو فيه، بس أنا لما اتخرجت اشتغلت في الفنادق".
أول مهنة لـ أحمد
وأضاف خلال لقائه ببرنامج "بيج تايم بودكاست" الذي يقدمه عمرو أديب بقناة "إم بي سي 1": "أول لما اشتغلت في الفنادق ابتديت ريسبشنست في فندق موفنبيك الهرم وقعدت سنة وبعد كده علشان شاطر نقلوني السيلز، وأنا عندي 25 سنة رقوني وكنت area sales manager بتاعت فنادق مصر في الوقت ده".
أول راتب لـ أحمد عز
وأكد أحمد عز: "سنة 1995 كان مرتبي 7500 جنيه، وبعدين جت مدام إيناس الدغيدي وقالت لي أنا بعمل فيلم مذكرات مراهقة واختارتني أنا وهند صبري، وكنت وقتها ما أستحقش البطولة خالص لإني بعمل إعلانات وجيت في رمضان قلت لهم أنا محتاج إجازة شهرين هعمل فيلم وأجي، جت مديرتي قالت لي لأ فاتضايقت جدًّا".
وتابع: "في يوم رايح الشغل دخلت للمدير قال لي: يا ده يا ده. فقلت له: أنا هعمل الفيلم. فقال لي: قدم استقالتك دلوقتِ وسيب مفاتيح مكتبك. وده اللي حصل، رُحت البيت واحنا قاعدين على الفطار في رمضان قلت لهم: أنا قدمت استقالتي علشان همثل أبويا. ساب الفطار وقام، وبعدين عملت مذكرات مراهقة وقعدت سنة ونص مش بيجي لي شغل، وأبويا حاول يضغط علشان أرجع أشتغل في الفنادق وأصدر فرمان ما حدش في البيت يديني أي فلوس لحد لما الأستاذ علي عبد الخالق جابني معاه".
أفيش أحمد عز
وأكمل: "من صغري كنت بمشي في الشارع بتفرج على الأفيشات، كنت شايف نفسي في الأفيش بس أروح لها إزاي مش عارف، لحد لما ربنا أراد وبحب التمثيل وبحب أبقى في اللوكيشن وأعمل الشخصية".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
