نعمة وكرم من ربنا، أحمد عز يكشف سر حب البنات له ويرد على وصفه بـ"المغرور" (فيديو)
أحمد عز، علق الفنان أحمد عز، على اتهامه بالغرور، قائلًا:"أنا زمان كنت بتشال وأتحط بس لما شوية فهمت ورسيت عرفت ان النجاح وحب الناس ونجاح الأفلام وان ربنا يسهلك في ده انت ملكش فيه حتى لو كنت أعظم ممثل ولكن القصة في إرادة ربنا علشان كده مفيش عندي غرور ومبقتش مغرور".
غيرة أحمد عز الحميدة
وأضاف خلال لقائه ببرنامج "بيج تايم بودكاست" الذي يقدمه عمرو أديب بقناة "إم بي سي 1": "أنا لما بعمل فيلم مع كريم عبد العزيز أو كريم بيعمل أفلام أو غيره بغير لو عمل فيلم حلو بس أنا مش عايزه يعمل فيلم وحش وخلاص لأ عايزه يعمل فيلم حلو علشان انا اعمل فيلم أحلى منه، حب الناس وكرم ربنا هو سبب النجاح".
مكانة ونجاح أحمد عز
وتابع أحمد عز: "المكانة والنجاح وأن الناس اتشوفك مغرور أو تحبك مش بتاعتك دي بتاعت ربنا، وبعدين الناس فيها اللي مكفيها مش كل شوية أنزلهم في صور عن حياتي علي السوشيال ميديا أنا مش بحب الطريقة دي ازاي واحد رايح شغله وطالع عينه ويشوفني وانا نايم علي حمام السباحة هيقول لي ده أنت معندكش دم".
سر حب البنات لـ أحمد عز
وبسؤاله: ليه البنات بتحب أحمد عز؟ علق الفنان:"والله ما اعرف وفي بداياتي لما كنت اخش السينما لأفلام ليا زي مذكرات مراهقة وسنة أولى نصب وحب البنات، لما أخش السينما من هنا الاقي ريحة البرفيوم مغرقة الدنيا وكانت افلام بتاعتي في سينما ميامي لم يحضر أحد انزل وسط البلد يحطولي صورة ولقيت مستوي الايرادات مش كبيرة فعرفت ان فيه بنات بتحبني بس فيه شباب شايفيني اني مش شبههم خالص مش بيتوحدوا معايا وينزل فيلم لواحد تاني بعد مني الاقي عليه اقبال كبير، وده عملي عطلة في الأول وعلشان كده عملت افلام اكتر للشباب".
وتابع:" بس حب البنات ليَّ ما أعرفش سببه بس ده من كرم ربنا وحب الناس لا يقدر بالملايين، بس نقطة حب البنات أقسم بالله عمرها ما شغلت تفكيري ولكنها نعمة ربنا يديمها، وأنا أبسط بكتير أوي وأخيب بكتير أوي مما حد يتخيل مش الواد الحلانجي أخيب مما أتخيل وما بعرفش أذوق الكلام يعني أنا مش الواد بتاع البنات وده من صغري".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
