تامر حبيب: تعرضت لهجوم وإساءة ومكنتش أتخيل إن الناس بالقسوة دي (فيديو)
تامر حبيب، قال السيناريست تامر حبيب: "دعاء الاستخارة بقوله 150 مرة في اليوم، ودايما بطلب من ربنا يعمل ليا اللي فيه الخير".
اشارات ربنا لتامر حبيب
وأضاف خلال لقائه ببرنامج "ع المسرح" المذاع على قناة "الحياة": "بعد ما بكلم ربنا وأدعيه بيكون فيه إشارات وبعتبر الإشارات دي رد".
عمرة تامر حبيب
وتابع تامر حبيب: "قريب كنت بعمل عمرة قلت يارب اجمعني بأمي في جنة الخلد وصليت العصر قدام الكعبة ولقيت الحجر الأسود قدامي فوصلت له وقبلته فالوقوع عند الحجر الأسود يعني موت محقق من تدافع الناس، ودي كانت شارة من ربنا إنه سامعني".
في نفس اللقاء، رد السيناريست تامر حبيب، على تصريحات المخرجة إيناس الدغيدي المثيرة للجدل بشأن ميوله الجنسية، مؤكدًا: نيتها كانت خير.
الهجوم على تامر حبيب بسبب إيناس الدغيدي
وأضاف: "الكلمتين اللي قالتهم إيناس الدغيدي طلعوني على المسرح وتعرضت لهجوم ونقد وإساءة وعنف ومكنتش أتخيل إن الناس بالقسوة دي وأصدروا أحكام وهما مش عارفين حاجة".
حياة تامر حبيب
وتابع: "أنا بحب البني آدم وهو أعظم كائن في الكون يعني بيحس، ليه تبقى شخص بتدوس على جرحي ده أنا قاعد بجاهد عمري كله ومش بحب أصعب على حد وبحب أبان قوي".
معاناة تامر حبيب من السوشيال ميديا
ولفت: "في وقت من الأوقات اكشتفت أن اللي بيهاجموني ويشتموني مش الجمهور اللي أنا بعمله الأفلام، في مواقف معينة خلال السوشيال ميديا كان فيه كلام في منتهى القسوة وقلة الأدب لدرجة إني لقيت واحد بيقول لو لقيت تامر حبيب ماشي في الشارع هقتله تقتنلي ليه ياعم الحاج هو أنا عملتلك حاجة".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
