أحمد الفيشاوي: كنت سلفي إخواني وبقيت صوفي وندمان علي طفولتي (فيديو)
أحمد الفيشاوي، قال الفنان أحمد الفيشاوي:"أنا مولود في بوقي معلقة دهب وتعلمت في مدارس خاصة وسافرت بلاد كتيرة جدا مع أبويا وأمي وأنا صغير وده أكتر من الفلوس".
حب أحمد الفيشاوي للأموال
وأضاف خلال لقائه ببرنامج "ع المسرح" المذاع على قناة "الحياة":"أنا بحب الفلوس جدا وبعشقها علشان أسافر أطيرها وأرجع تاني أعملها".
الحنين لفاروق الفيشاوي
وتابع:"كان عندي أمنية وأنا صغير إني أنط من فوق الطيارة، ولما نزلت صورة والدي فاروق الفيشاوي وقلت نفسي أروحله، هو واحشني لإنه كان من أطيب وأجمل خلق الله ونفسي أروحله وأقابله في الجنة".
أحمد الفيشاوي من السلفية للصوفية
وأكد أحمد الفيشاوي:"أنا كنت سلفي وبقيت صوفي وكنت إخوان وعمي كان تكفير وهجرة وحاجات تفرش 3 حلقات ونبني عليها مسلسل، عشت الحيرة والتناقضات والإنسان علطول عنده تناقضات وأنا لما استوعب إن رأيي غلط بارجع عادي".
طفولة أحمد الفيشاوي
ولفت: "مش بحب طفولتي وبندم عليها لإني قضيتها في حدائق القبة وأبويا وأمي مكنشو لسه عملوا فلوس كتير من السينما والتلفزيون وكنا عايشين في شقة أوضة وصالة، وكنت شقي جدا وعذبت ناس كتير معايا، ولما بقى عمري 5 سنين كانوا هما حوشوا فلوس وبقوا نجوم كبار".
طبيب نفسي لأحمد الفيشاوي
في نفس اللقاء، أكد أحمد الفيشاوي"أنا بروح لدكتور نفسي من 1997، ولحد دلوقتي بروح له، وبيعالجني علاج نفسي وده مفيهوش مشكلة".
قصة غريبة مع طبيب نفسي
ولفت أحمد الفيشاوي:"فيه دكتور نفسي روحت له يومين بعدها مات وكإنه مات مضغوط من الحكايات اللي قولتهاله".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
