ضبط السائق المتهم بمحاولة خطف فتاة بطريق السويس
ألقت أجهزة الأمن بالقاهرة، القبض على السائق المتهم بمحاولة خطف فتاة بطريق السويس فى الشروق ما تسبب لها في إصابات عديدة ونزيف داخلي وكسور وسحجات وتم نقلها إلى المستشفى على إثر ذلك.
محاولة خطف فتاة بطريق السويس
وقال مصدر أمني أن أجهزة الأمن فحصت الواقعة للوقوف على ملابساتها والوصول للمتهم حيث وقعت بنطاق منطقة الشروق، وتعرضت فتاة لمحاولة إختطاف داخل سيارة تابعة لشركة توصيل شهيرة بالقاهرة.
كان رواد مواقع التواصل الاجتماعى تداولوا منشورات لواقعة تعرض فتاة تدعى حبيبة الشماع لمحاولة اختطاف.
وجاء فى منشور متداول على نطاق واسع لإحدى قريبات الفتاة: "انا بكتب الpost ده علشان احكي ليكم اللي حصل لبنت عمي علشان اولا عاوزاكم تدعولها ربنا يشفيها ويرجعها لينا بالسلامه حالتها لسه في خطر".
وأضافت: "حبيبه فاقده الوعي وعندها نزيف في المخ مش بيوقف ومحطوطة علي ventilator".
وتابعت: " ثانيا خدو بالكم من نفسكم ومن بناتكم الناس بقوا مؤذيين ربنا يبعد عنا شرور الناس وان حبيبة استقلت سيارة من التجمع الاول وكانت رايحه مصر الجديده الساعه ٦:٥٠ مامتها كلمتها في التليفون مكنتش سمعاها كويس علشان صوت الكاسيت كان عالي اوي والراجل كان بيتخانق فالتليفون حبيبه طلبت منه يوطي الكاسيت قالها لاء وكان بيبرطم بالكلام مامتها مكنتش سامعه هو بيقول أيه قالتلها ماله ده حبيبه قالت لها مش عارفه ماله وقفلت بعدها".
وأردفت: "اصحاب حبيبه كلموها يشوفها وصلت فين رد عليهم واحد قال لهم صاحبت التليفون دي وقعت من العربيه قعدت تتشقلب لحد مخبطت في الحاجز الاسمنت اللي على طريق السويس ولما راح يسالها ايه اللي حصلك قالت Uber كان عاوز يخطفني وجالها تشنجات وفقدت الوعي".
وأوضحت: “ انا معرفش حصل ايه يخوفها بالشكل ده ترمي نفسها والعربيه بتجري بس انا عارفه كويس ان حبيبه بتخاف علي نفسها واكيد هو رعبها والسواق اختفي بعد ما وقعت ولا طلب إسعاف ولا وقفلها وقفل الموبيل”.
واختتمت: "انا عاوزه اختي ترجعلنا ادعولنا انا عاوزه اجيب حقها ربنا ينتقم منه اشد انتقام".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
