المترو يعلن انطلاق ماراثون القاهرة من حديقة المريلاند بمصر الجديدة مارس المقبل
أعلن الخط الثالث لمترو الأنفاق، عبر صفحته الرسمية، انطلاق ماراثون يوم 1 مارس المقبل، وجاء نص إعلان الخط الثالث كالتالي:
يوم ١ مارس، ماراثون القاهرة ينطلق من حديقة المريلاند بمصر الجديدة!
وأضاف: “الخط الأخضر الثالث هيوصلك، كل اللي هتعمله إنك تستخدم الخط الأخضر الثالث وتنزل في محطة الأهرام على بعد مسافة قصيرة من حديقة المريلاند، وكمان عشان نريحك أكتر، تقدر تستخدم سكوتر موجودة في محطة الأهرام وتتحرك بيها لأقرب نقطة من المريلاند”.
ووقعت شركة آر إيه تي بي ديف للنقل كايرو، الشركة المسئولة عن إدارة وتشغيل الخط الأخضر الثالث للمترو، بروتوكول تعاون مع شركة رابيت موبيليتي Mobility Rabbit لتوفير وسيلة مواصلات كهربائية حديثة وسريعة خارج بعض محطات خط المترو الأخضر الثالث.
ويعمل الاسكوتر الكهربائي فترة تجريبية تستمر ثلاثة أشهر، بهدف تسهيل الانتقال بسعر مخفض من وإلى عدد من محطات الخط الأخضر الثالث وهي محطات هليوبوليس والأهرام وكلية البنات وصفاء حجازي.
وحرصا من بوابة فيتو على تقديم خدمة متميزة لقرائها نستعرض في التقرير التالي طريقة الاستخدام
1- بجانب محطات هليوبوليس، الأهرام، كلية البنات وصفاء حجازي هتلاقي عدد من السكوترز، عشان تستخدمه:
2- اعمل سكان للكود QR Code من على البانر جوة المحطة أو بجانبها ونزل التطبيق
3- افتح تطبيق Rabbit ودخل الفيزا بتاعتك واتأكد أنها شغالة
4-افتح المحفظة ودخل البروموكود RABBIT-GL3 عشان الرحلة تبقي مخفضة
5- اختار من على خريطة التطبيق أقرب سكوتر ليك ودوس علي الاتجاهات علشان توصله
6- توجه إلى أقرب سكوتر في نطاق المحطة واضغط على "سكان وابدأ الرحلة" من التطبيق واعمل سكان للكود QR Code اللي على السكوتر وبكده هيتفتح السكوتر.
7- بعد رفع المسند، ادفع الأرض برجليك ودوس على زرار السرعة علشان تتحرك.
8- لما تخلص مشوارك، استخدم القفل لتثبيت السكوتر في شجرة أو عمود، وصوره عشان تنهي الرحلة
9- تكلفة فتح السكوتر 4 جنيه وكل دقيقة 1.25 جنيه، استخدم البرومو كود RABBIT-GL3 علشان يخصم 4 جنيه من رحلتك
10- تقدر تستخدم سكوتر Rabbit في أي وقت من مكان تواجدك علشان يوصلك تاني لأقرب محطة من الأربع محطات وتحصل على نفس الرحلة المخفضة.
كل اللي عليك إنك تركب الخط الأخضر الثالث.
في هذا السياق أكد المهندس وديع بوشيحة، الرئيس التنفيذي لشركة آر إيه تي بي ديف للنقل كايرو، "أننا نفخر بتقديم هذه الخدمة المتكاملة لركابنا، وتعزيز جهودنا التي تهدف لدعم التحول نحو الاستدامة ووسائل النقل المعتمدة على الطاقة النظيفة، خاصة من خلال هذا التعاون مع أحد الشركات المتفردة التي تقدم حلولا ذكية ورائدة في مجال التنقل على مستوى مصر وأفريقيا".
ونقدم لكم من خلال موقع "فيتو"
تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
