أليسيا يانكون تطلق "زغرودة" على الهواء وتكشف سر حبها لجمهور الأهلي (فيديو)

أليسيا يانكون، أعربت أليسيا يانكون، عن حبها وعشقها لمصر، قائلة: "مصر مش أهرامات بس، أنا لقيت فيها الثقافة والناس الجميلة جدا والطيبة والجدعة".

العلاقة بجمهور الأهلي

وأضافت خلال لقائها ببرنامج "صاحبة السعادة" الذي تقدمه الإعلامية إسعاد يونس بقناة "دي إم سي": "علاقتي بجمهور الأهلي علاقة حب وداعمين جدا ليا ولطاف وكويسين جدا معايا وشرف ليا إني أكون أهلاوية، وعمري ما لقيت جمهور من نادي تاني بيضايقني علشان أنا بحب مصر وفيديوهاتي عن مصر".

زغرودة أليسيا يانكون

وأطلقت أليسيا يانكون، زغرودة على الهواء، فرحا بخطوبتها مؤخرا على خطيبها الدكتور علي عثمان.

أليسيا يانكون تغازل خطيبها علي عثمان "بالمصري": أنا مش بحبه دا أنا بعشق أمه (فيديو)

أليسا تروى أسرارها مع محنة السرطان وأول قصة حب

في نفس اللقاء، كشفت أليسيا يانكون صانعة المحتوى وابنة مدرب حراس مرمى النادي الأهلي ميشيل يانكون، كواليس تعارفها على خطيبها علي عثمان.

وقالت: "قلبه أبيض وجدع وطيب وإيجابي علطول وساعدني جدا، أنا مش بحب علي عثمان أنا بعشق أمه (بالمصري)”.

خطوبة أليسيا يانكون
 

وقالت أليسيا يانكون خلال لقائها ببرنامج "صاحبة السعادة" الذي تقدمه الإعلامية إسعاد يونس بقناة "دي إم سي": "الخطوبة تمت في أجواء فرحة وسعادة بعد فوز النادي الأهلي بكأس السوبر، وقبلها العلاقة بدأت بالشغل وهو لقيته إنسان طيب وساعدني جدا في موضوع السوشيال ميديا وبعدين صار ما بينا قصة حب واتخطبنا".

قصة إعجاب علي عثمان بأليسيا يانكون
 

من جانبه قال علي عثمان: "أنا أهلاوي أبا عن جد، وفي إحدى المباريات روحت الاستاد لقيت بنت زي القمر في الاستاد ولما سألت صاحب عنها مين هي عرفني عليها، وشوفتها ويومها الأهلي كسب وبعد كام يوم لقيتها حضرت إيفنت شركتي بتنظمه، وقتها اتعرفت عليها واتكلمنا على أوجه التعاون في الشغل وبدأنا نتكلم في السوشيال ميديا والمحتوى اللي تحب تعمله في مصر، وهي بتفهمها وهي طايرة وابتدى يبقى فيه اجتماعات وسفر في إيطاليا والسعودية ودول تانية، ووصلنا في الآخر اتخطبنا".

محتوى سياحي
 

ولفت: "أنا وأليسيا بنقدم محتوى متقارب من بعض في الترويج للسياحة المصرية، وبعدين بقى فيه شغل وإعلانات وأنا نظمت له كل حساباتها على السوشيال ميديا، وهي مبتكرة وبتطلع الأفكار لوحدها وأنا بس كنت بنظملها إستراتيجية المحتوى والاتجاه اللي تمشي فيه، وحب الناس ليها كان كبير ونمسك الخشب".

وأكد: "إحنا ماشيين في إجراءات الجواز ومش هينفع نتأخر في الجواز، وأنا حبيت في أليسيا كل حاجة وعندها أصول فلاحين زينا وجدعة ولذيذة ومسخرة وضحك علطول وعلطول بحس إنها صديقتي".

سر حب أليسيا يانكون لمصر
 

وأشارت أليسيا يانكون: "جئت مصر زيارة واللي خلاني أحب أقعد وأستقر فيها حاجات كتير أولا إنها أم الدنيا، والناس ودودة وحبوبة وكريمة وإيجابية وجدعة وجانبي دايما، في مصر فيه سهر وشمس وبحر ومياه صافية وتاريخ وثقافة وكل حاجة، مفيش مدرسة في العالم مش بتدرس تاريخ مصر، وأنا حبيت مصر علطول لإني حسيت إنها أعطتني طاقة حلوة".

تعلم اللهجة المصرية
 

ولفتت: "اتعملت اللهجة المصرية رغم إنها صعبة جدا، واللي ساعدني على تعلمها إني كل شهر كنت بتعلم تعبير جديد وأنا عايزة كمان أتحسن ومعايا مدرسة بتعلمني والعربي مش بس لغوية ولكن لازم اتعلم الثقافة والحضارة والسينما والمزيكا بتاعت البلد".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.