جمال حجازي يكشف قصة معاناته مع فيروس سي (فيديو)
جمال حجازي، كشف الفنان جمال حجازي، سر ابتعاده عن الفن، مؤكدًا: "جالي فترة كنت بعاني من مرض فيروس سي من الدرجة الرابعة والأخيرة في المرض".
مرض فيروس سي
وأضاف خلال لقائه ببرنامج "بنت البلد" الذي تقدمه الفنانة نشوى مصطفى بقناة "تن":"الدكتور اللي كان متابع حالتي نائب وزير الصحة، وقال لي انت مريض فيروس سي من الدرجة الرابعة وعلاجك مش موجود في مصر، ومكنتش انا لوحدي كان فيه 4 نجوم سوبر ستار بيعانوا من نفس المرض، والعلاج بتاعي كان بملايين الجنيهات وانا مكنش معايا فلوس، والحكاية كانت بالنسبة لي سواد علي عيني لأن عندي 3 بنات بيدرسوا في مدارس خاصة ومعملتش ليهم حاجة وقاعد في شقة ايجار، فعشت فترة صعبة بالنسبة لي".
فترة صعبة في حياة جمال حجازي
وتابع:"سبحان الله بعد الفترة الصعبة اللي عشتها والمرض اللي مأثر على، الدكتور قال لي انت ربنا بيحبك والعلاج بتاع فيروس سي اتوافق عليه وخلال اسبوع هتاخد الجرعة بس عايزك وانت بتاخد الجرعة هنصورك صورة قلت له لأ مش هتصور، ورفضت التصوير فقاللي انت أول واحد هتاخد الجرعة وانا مش هصورك".
علاج جمال حجازي
وأكمل:"علاجي كان بيتكلف 4 ملايين جنيه واتعالجت بالمجان بعد لما الدولة وفرت العلاج ببلاش لكل المصريين".
شفاء جمال حجازي
واكد:"انا الحمد لله بقيت زي الفل وخفيت تماما من المرض واشكر الرئيس علي انه وفر العلاج بالمجان".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
