السيسي: لو حليت أزمة الدولار في مصر ولا يهمني أي حاجة تاني (فيديو)
الرئيس السيسي، قال الرئيس عبد الفتاح السيسي: "لو حليت أزمة الدولار فيكي يا مصر ولا يهمني أي حاجة تاني".
إيجابية أزمة الدولار
وأضاف خلال لقائه بعدد من الإعلاميين: "أزمة الدولار إيجابياتها حاجة واحدة بس، فرض الحل علينا إن إحنا لازم نحل الأزمة بشكل نهائي".
زيادة معدلات التصدير
وأوضح السيسي: "المطلوب إننا في مدة زمنية قليلة نصل بمعدلات تصديرنا والتصنيع داخل مصر تخلي إن حجم الدولار المتاح بحجم طبيعي سلس يبقى يكفي الإنفاق على هذا الاستيراد".
مشكلة بعض رجال الأعمال
ولفت: "أنا قلت قبل كده إحنا عايزين 100 مليار دولار صادرات من 4 سنين طيب عملنا كده لأ، رجال الأعمال والكل كان بيستسهل ويفضل إنه يجيب من برة على إنه ينتج طالما الدولار متاح بدون الدخول في حراك وجهد كبير علشان أخلى المنتج ده في مصر وهذا ما حصل في مصر الفترة اللي فاتت".
وقال الرئيس عبد الفتاح السيسي: "ربنا سبحانه وتعالى أعاننا في ظل ظروف لا يمكن أبدا لدولة زي حالتنا تعمل اللي عملته، متقدرش لإنك عندك عدد كبير من الناس ومواردك محدودة جدا وأنت متصور إن الموارد تكفى كل شيء، لأ متكفيش مع الزيادة السكانية".
زيادة عدد السكان وأزمات ما بعد 2011
وأضاف: "إحنا زدنا 26 مليون نسمة من 2011 لحد النهاردة هو ده رقم ملهوش تأثير ومطالب في كل شيء وكل قطاع، مكنتش المشكلة أزمة أولويات ولكن أنا بتكلم كراصد للرأي العام في مصر وقدرته على التحمل بعد فترة صعبة مرت قبلها ثم في 2011 و2012 و2013 ومعندهوش أمل وعنده حالة إحباط في كل مكان والتفجيرات في كل مكان والناس حاسة إنها بتضيع فأنت كنت عايز تقفز بيهم من الحالة المعنوية والإحباط وعدم الثقة لحالة تانية والأمور كانت ماشية كويس بجد لغاية 2020 جائحة كورونا ".
معدل النمو ونظرة الحكومة للمواطن الفقير
ولفت السيسي: "قبل جائحة كورونا كان معدل النمو 6% للكتلة الغالبة في مصر اللي هي الغلبان، وأي حكومة عينها مش علي الراجل المستور والأسرة الغنية لكن الغلبان مينفعش ينطحن في الأرض هيجيب منين ويصرف منين وهيودي ولاده مدرسة منين ويجيب لبس إزاي وهيأكلهم إزاي وهيدفع كهربا ومياه إزاي لما الدنيا تبقى صعبة".
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
