وفاء عامر: لو جوزي قرر يتجوز هقوله أمتى يا حبيبي

وفاء عامر، قالت الفنانة وفاء عامر:"لو جوزي قاللي أنا عايز اتجوز عليكي هقوله اآه يا حبيبي أمتى، طالما حاجة هتبسطه عادي أوي".

موقف وفاء عامر حال زواج زوجها من أخرى

وأضافت خلال تصريحات تليفزيونية:"جوزي مش هيتجوز عليا بس الممنوع مرغوب ولو فكر يتجوز مش همانع وافضل اقول لأ، أنا بغير عليه بس مش هرفض إنه يتجوز، ومحدش يقدر ينافسني أساسا".

عقلانية وفاء عامر 

وتابعت وفاء عامر:"لو جالي زوجي وواخد القرار إنه هيتجوز مش هينفع اتصدم به واقول له لأ لإنه كده كده هيتجوز".
 

وفاء عامر: آيتن مش بنتي واللي عنده ورقة يطلعها وما بعملش حاجة غلط (فيديو)

وفاء عامر: بغسل رجل جوزي وبتوع حقوق المرأة عاوزين يخربوا البيوت (فيديو)

في وقت سابق، قالت الفنانة وفاء عامر: "آيتن دايمًا بتخاف من قراراتي وبتعمل لي حساب وحريصة على إنها ترجع لي في كل حاجة لإن اللي ملوش كبير بيشتري له كبير".

رأي وفاء عامر

وأضافت خلال لقائها ببرنامج "القاهرة اليوم" المذاع على قناة "اليوم": "آيتن عامر عارفة إنها هترجع لي في أي موضوع وبتاخد رأيي وكتير أوي بتقول لي أنتِ كان عندك حق، وأحيانًا بتعاند في الأول وبعدين ترجع تقول لي أنتِ صح".

حقيقة آيتن عامر
 

وأكدت: "آيتن عامر مش بنتي واللي عنده ورقة يطلعها، ودي الحقيقة، واللي مش عايز يصدق هو حر، أنا واثقة في نفسي وعارفة إني ما بعملش حاجة غلط، لكن يا ريتها كانت بنتي وأمنية حياتي إن يكون ليا بنت".
 

في نفس اللقاء، قالت الفنانة وفاء عامر: "بغسل رجل زوجي لما بيرجع من برة البيت، وهو ما بيطلبش ولكن لما ألاقيه تعبان ومحقق لي السعادة اللي نفسي فيها وعامل الحلم اللي أنا بحلم به، ورأيه صائب وما بيقبلش إن حد يجرحني ولا حد ياخد عليَّ حقي ولا يدوس على كرامتي ولا حد يقلل من قيمتي، مفيش مشكلة أغسله رجله".

رسالة وفاء عامر لجمعيات حقوق المرأة
 

وتابعت: "الزوجة تعمل أي حاجة مع زوجها، وبتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها".

كرامة المرأة
 

وأضافت وفاء عامر: "بتوع حقوق المرأة في حاجات كتير زي الحفاظ على كرامة الست ومحدش يجرحها بكلمة ولا حد ياكل حقها ويبقوا واقفين في ضهرها".
 

طاعة الزوج

ولفتت: "كل الأديان السماوية حثت المرأة على طاعة زوجها في حدود الأخلاق والمعاملة الطيبة، بعيدًا عن الندية والجدال والخلافات والمشاكل".

 ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.