آخر حاجة كنت أتخيلها، ماذا قال ابن الفنانة حنان عن زواجها من سامح الصريطي

سامح الصريطي وحنان، قال هشام ابن الفنانة حنان: "أي حد كان بيتقدم لماما كنت بقول لها إن فلان هيتقدم لها، ونفس الموضوع كان مع الفنان سامح الصريطي، بس أنا ما ليش إني أتدخل في قرارها، ومن أكتر الحاجات اللي بنضيع فيها وقتنا إننا نثبت لغيرنا أن قرارنا صح، أنا وبنته ابتهال نعرف بعض من فترة بس آخر حاجة اتخيلها أن باباها يتجوز مامتي".

رأي ابنة حنان في سامح الصريطي

وأضاف خلال لقائه ببرنامج “صاحبة السعادة” الذي تقدمه الإعلامية والفنانة إسعاد يونس بقناة “دي إم سي”: "لما سامح الصريطي أتقدم لماما، كانوا خايفين مني بس أنا كنت مبارك ما دام هي مبسوطة واللي معاها هيحافظ علي الحاجات الأساسية في حياتها، ولما كان حد قبل كده بيتقدم لها كنت بطلع فيه عيب بالعكس مع سامح قلت لها هينفعك جدًّا".
 

مصلحة حنان 

وتابع: "أميرة أختي لما هدأت عرفت إن ده في مصلحة مامتها وسيبتها شوية لإنها كانت ممانعة في الأول ومش مصدقة لأن حبها لأمي قوي وساعات بتخاف عليها خوف شرس وكمان هي متعرفش سامح الصريطي، بس بعد كده تفهمت ووافقت". 
 

عقلية سامح الصريطي

ولفت: "كنت شايف إن سامح الصريطي فيه حاجة هتنفع ماما وكنت بعتبره أخويا الكبير ولما بيكون فيه حاجة باخد مشورته ونصيحته وأنا بثق فيه وبرتاح لما بتكلم معاه".
 

سامح الصريطي يكشف سر انجذابه إلى حنان وموقف أبنائها من زواجها منه

حنان تكشف لأول مرة كواليس زواجها من سامح الصريطي

في نفس اللقاء، كشفت الفنانة حنان، كواليس زواجها من الفنان سامح الصريطي، وسر قصة الحب السريعة التي جمعتهما.

قصة العلاقة بين سامح الصريطي وحنان

وقالت: "أعرف سامح الصريطي من 4 سنين ونص شوفته في ندوة جنب بيته واتقابلنا واتكلمنا شوية وبعدين عرفت ان بنته ابتهال صديقة لابني هشام، ومرة كنت بسأله عن ابتهال فقال لي أنها تعبانة جدًّا بسبب مرض وتعب والدتها وطلب مني اني اروح بيتهم يمكن أخفف عنها شوية، فقلت له أنا هجي لكم وأزورها وروحت".

ثقافة وفكر وعقلية سامح الصريطي

وأضافت: "كنا بنتكلم أنا وسامح الصريطي كل شهرين مرة وبعدين نتكلم صدفة ومفيش بينا إلا الصداقة ولكني كنت باحترمه كشخص وممثل، وبعد كده الموضوع تطور لوحده في وقت قصير وبسرعة أوي هو كان بالنسبة لي صديق وكل فترة كنت اكلمه اقوله علي حاجة مضيقاني وهو كان بيعزمني علي الندوات الثقافية وعنده أصحاب مثقفين ومن الفنان، دماغه حلوة وأغراني بدماغه ونفس افكاري وطريقتي وفضلنا أصدقاء لمدة طويلة إلا أن مرة كتب لي قبل ما يقول لي أنتي وحشتيني كنا بدأنا نتكلم بشكل أسرع وكان فيه مشكلة إني بسافر المانيا فكانت العلاقة بتنقطع، وبعدين جاء مرة لقيته بيقولي تعرفي إنك وحشتيني قلت له ما تشوفش وحش، وبعدين قلت له تعالي تتغدا عندنا فقال لي هتغدا النهاردة فأنا اتخضيت وقلت له تمام منتظرينك".

طلب سامح الصريطي الزواج من حنان

ولفتت: "لما سامح الصريطي زارنا قمت طبخت وده نادر لما أعملها وكلمت هشام وكان في مشوار في التجمع وجاء سامح الصريطي وطول الوقت قاعد بيتكلم في التليفون، هو عنده مزرعة حلوة الا البقدونس اللي أنا باكله مع أي أكل، وهو جاي ليَّ جاب ليَّ حزمتين بقدونس وقال ليَّ والله دوخت لحد لما لقيته، وأنا والله فرحت جدًّا إنه جاب لي البقدونس، بس بعد القعدة فقال لي احنا اتكلمنا وعرفنا بعض ما تيجي نتجوز، ومش فاضل غير اننا نتجوز، فأنا في الأول افتكرته بيهذر لقيته بيقول لي أنا بتكلم بجد فأنا بلمت واتخضيت بس ما كنتش زعلانة، شوفته في قعدات كتير وكنت عاملة سيناريو في دماغي انه اكيد له شخصية في دماغه وفيه حد في حياته وهو مخبي، ولقيت إن البنات الصغيرين بيحبوه فكنت اقول ايه الراجل ده محترم جدًّا لإنه بيحترم الست اللي يعرفها لإنه مع كل البنات والستات نفس الشخص وهو محترم أخلاقيًّا وده اللي كان بيخليني أروح عنده البيت في الندوات وكل حاجة ولقيته شخص أمين ومحترم وعاقل، ولما اتكلم معايا في الجواز كنت أنا كمان أسبوع ورايحة ألمانيا فقال لي خدي وقت وفكري، وبعدين لما سافرت المانيا اتكلمنا تاني وارحت في الكلام معاه ووافقت بشرط موافقة ولادي هشام وأميرة، وموافقة بناته ابتهال وإيه وده اللي حصل فعلًا".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الأدبية والفنية.