نجيب ساويرس: أي تأخير في تعويم الجنيه يكلفنا الكثير، والتاريخ شاهد (فيديو)
نجيب ساويرس، قال رجل الأعمال المهندس نجيب ساويرس: "أزمة العملة تكررت عدة مرات في مصر دون استفادة في المعالجة المتعلقة بترك سعر الدولار للعرض والطلب".
خطورة التأخير في التعويم
وأضاف خلال مداخلة هاتفية ببرنامج "حضرة المواطن" الذي يقدمه الكاتب الصحفي سيد علي بقناة "الحدث اليوم": “كل تأخير في تعويم الجنيه مضر، وفيه ناس بتحول أموالها على سعر 50 جنيه للدولار وفيه ناس مابتحولش لأنها منتظرة وصول السعر إلى 52 جنيه”.
ساويرس: محدش يقدر يحارب السوق
وتابع: "لو أنا جيت وقلت اللي معاه دولارات أنا هشتريها منه بسعر 50 جنيه زي ما هو في السوق الموازي، بالتالي اللي حاطط الدولار تحت البلاطة هيحوله علطول، وتحدث انفراجة، الأسعار في الأساس ارتفعت ومحدش يقدر يحارب السوق".
العرض والطلب
وأكمل: “السوق سيظل عرض وطلب، وماتخلقش اللي يحارب السوق، البنك المركزي كان عنده احتياطي نقدي ومتحركش والمسألة بحاجة إلى شجاعة في القرار والناس بتحول دلوقتي على 50 جنيه، وفي ناس برة مش عايزة تيجي تستثمر لأنها بتقول إزاي آجي على سعر 30 جنيه للدولار وهو بـ50 جنيه”.
ساويرس: التأخر في قرار التعويم يكلفنا كثيرا
وأوضح: "المشكلة محتاجة قعدة ناس متخصصين لوضع الحل المناسب، ودائما التأخر في القرار يكلفنا الكثير والتاريخ شاهد على ذلك".
ونفى رجل الأعمال المهندس نجيب ساويرس، كل ما يشاع عن نقل استثماراته خارج مصر، قائلا: "كلام ملهوش أي أساس من الصحة، مقدرش في عمري ده أني أروح أعيش في حتة تانية".
فرص استثمارية لنجيب ساويرس
وأضاف: "عندي كل الفرص اللي في الدنيا أني أروح أعيش في حتة تانية، ولكن أنا لا أشعر بوجودي وسعادتي وراحتي غير في بلدي، ولكن كون أن شركاتنا شركات عالمية وبتشتغل في كل أنحاء العالم دي حاجة تشرف مصر مش تضر مصر".
حساسية الوضع الاقتصادي
وتابع نجيب ساويرس: "لما كنت بشتغل في الجزائر وكوريا والعراق ودول أخرى محدش كان بيتكلم، ولكن دلوقتي علشان فيه حساسية وعندنا مشاكل فعلية ومش شايفين الحلول فين في الوضع الاقتصادي، ولسه محدش طلع قالنا هنعمل إيه في الوضع اللي احنا فيه وهنسدد الديون إزاي وهنعمل إيه في أزمة الدولار، وإيه التغيير اللي هيحصل دلوقتي".
هدف نجيب ساويرس من الاستثمار خارج مصر
وأوضح: "احنا بنشتغل برة علشان نوفر فرص عمل لأولادنا خارج مصر وأولادنا ياخدوا مرتباتهم بالدولار ويحولوا دولاراتهم لمصر، واحنا أرباحنا بنحولها دايما هنا، هو لو شركة مصرية بقت عالمية يبقى غلط، فنادقنا ومصانعنا والجونة ومشاريعي كلها هنا وكل يوم بفتح مشروع، مفيش صحة لنقل استثماراتنا خارج مصر".
اقرأ أيضا:
نجيب ساويرس: محدش هيشكك في مشاعرنا ونهدي مهرجان الجونة هذا العام للفلسطينيين
أكبر مستثمر وطني داخل مصر
وأكمل: "ما زلنا أكبر مستثمر مصري في مصر على أساس حجم المشروعات والعمالة والضرائب اللي بندفعها، واللي عايز يرجع لوزارة المالية والتأمينات الاجتماعية، حجم العمالة تعدى 200 ألف وكل يوم بنفتح مشروع وبنوظف ناس، وكل المشكلات اللي في بلدنا وبتعطل برضو بنبلعها وبنكمل ومبنقفش، لأننا صعايدة وصعب أي حد يوقفنا".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الأدبية والفنية.
