عمرو أديب يكشف شرط إسرائيل لفتح معبر رفح ودخول المساعدات الإنسانية لغزة
طوفان الأقصى، قال الإعلامي عمرو أديب: "لم يتم فتح معبر رفح اليوم، كان فيه توقعات لفتحه اليوم مبنية على تقارير وتصريحات وواضحة لوزير الخارجية الأمريكي".
مصير الأسرى الإسرائيليين
وأوضح خلال برنامج “الحكاية” المذاع على قناة “إم بي سي مصر”: "اللي حصل إن الإسرائيليين قالوا الاتفاق ده بين اتنين احنا فين؟ انتوا متفقين تعدوا مزدوجي الجنسية والمساعدات الإنسانية وأنا فين؟ إسرائيل قالت أنا ليا طلب علشان معبر رفح يتفتح اثبتوا ليا أن الأسرى لدى حماس بصحة جيدة، وعايز المساومات تبقى متداولة، وعلشان يثبت جدية وده كان أمر ناصع واضح اليوم راح ضارب المعبر ودي اقرب مرة كان فيها ضرب قريب مننا وعايز يقولنا مساء الخير انا مش موافق علي اعادة فتح المعبر وكان ممكن القصف يخلص علي نصف الناس اللي واقفين وكنا هنشوف مذبحة علي المعبر ودي المرة التالتة او الرابعة اللي بيضرب المعبر".
دخول المساعدات الإنسانية لغزة
وتابع: "فيه سؤال ازاي مصر مش قادرة بقالها كام يوم تدخل المساعدات الإنسانية أنا متفهم غضب الناس بس أنا عايز اقولك ان في تقديري أن الإدارة المصرية وصلت لمرحلة ضغط مع أمريكا واسرائيل والأمم المتحدة لإرسال المساعدات الإنسانية لقطاع غزة".
تفكير إسرائيل
وواصل:"لا أستطيع ان أخفي قلقي إن بالشكل المجنون لإسرائيل في المنطقة ممكن يبقى فيه مشكلة كبيرة لإن الأمر النهاردة واصل لمرحلة مش جيدة خالص، وفي تقديري أن المعونات والمساعدات الانسانية لازم تدخل لقطاع غزة، في إسرائيل هو لا يفكر إلا في بهدلة الفلسطينيين ويفكر ان فيه نكسة سياسية وعسكرية لازم تنصلح ونتنياهو ليمشي ليتسجن، هو لا يفكر في شيء إلا التدمير الكامل لقطاع غزة، في قطع غزة بعد الدمار احنا بنتفرج علي ناجازاكي وهيروشيما جنون مطبق وكامل ومريع وهذا المكان قد انتهى".
جنون إسرائيل
وتابع: "يسألون الاسرائيليين الاَن ماذا بعد تدمير غزة بالكامل، انتوا ناويين علي ايه؟ وضع مجنون من جانب اسرائيل، احنا كمان مهددين في أي وقت يكون عندنا مشكلة واضحة مع الإسرائيليين".
وأكمل:"ما يحدث قصف عشوائي لمنازل الفلسطينيين في غزة ولو مات حد من حماس بالنسبة لاسرائيل يبقى تمام، طيب الألف اللي عبروا عندك هتعمل فيهم ايه؟ والآلاف اللي مستنيينك من حماس هتعمل فيهم ايه؟ احنا بنتعامل مع جنون إسرائيلي كامل وهستيريا في تدمير غزة بمواطنيها".
اجتياح غزة
ولفت: "يتحدثون أن بايدن قادم خلال أيام إلى إسرائيل ليدعم ويساند الحكومة الإسرائيلية، ومعرفش اذا كان فيه حاجة أسوأ من اللي حصل ممكن يتعمل يعني هيكون أثناء المذبحة الكبرى باجتياح غزة، والله اللي بيحصل ضد الفلسطينيين ده كفر والله".
نقدم لكم من خلال موقع (فيتو) ، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
