شباب "فيس بوك": يجب فض اعتصام رابعة بالمجاري والـ"ريبورت"
طالبت الشرطة المصرية الشباب عبر صفحتها بعمل "لايك" في حال رغبتهم في فض اعتصام رابعة بالقوة الجبرية.
الاستفتاء الإلكتروني الذي قامت به الداخلية جعل الشباب يدشنون حملة لعمل "ريبورت" لرابعة، الطريقة الإلكترونية الساخرة لفض الاعتصام تزامنت مع مطالب الشباب بتحرك على الأرض لن يسيل مزيدا من الدماء، وهو رش متظاهري رابعة بمياه المجاري، وعدم الاكتفاء بتسريبها على الأرض، "فيتو كافيه" رصدت تعليقات الشباب..
خالد المراغي: صفحة "الشرطة المصرية" بتقول اللى موافق على فض اعتصام رابعة العدوية والنهضة يتفضل بضغط "لايك".. طب ما تخليك واقعي شوية وتقول يتفضل بعمل "ريبورت" للاعتصام.. واحنا بدورنا هنعمل حملة لريبورت الاعتصام.
محمد عبد المعطي: بالنسبة للناس إلى بتقول مينفعش نفض اعتصام رابعة والنهضة بمياه الصرف الصحي، أحب أقولهم زي ما قال عادل إمام في مرجان أحمد مرجان هو الصرف الصحي ده جي منين مش من الشعب وأهو راجع للشعب... انتو بتتكلموا في إيه يا إخوانا.
سمير خير الله: انتو افتكرتوني باتكلم على مجاري تطفح عليهم من تحت؟؟.. أنا عايز مجاري تطفح عليهم من فوق.. رشوهم بهليكوبتر بمية مجاري هيتفض في نص ساعة.
محمود الصاوي: وزير الداخلية إلى عينه مرسي هيستخدم أدوات فض الشغب اللي اشتراها مرسي طبقا لقانون فض المظاهرات اللي أقره مجلس شورى مرسي لفض اعتصام أنصار مرسي.
نايل أسعد: زيتنا ف دقيقنا يعني.
