غادة عبد الرازق تعتذر لابنتها روتانا على الهواء: آسفة أنا مش مثالية وغصب عني
غادة عبد الرازق، بكت الفنانة غادة عبد الرازق وهي تعتذر لابنتها روتانا على الهواء، قائلة: "أقول لبنتي روتانا أنا آسفة إني ما كنتش في البداية الأم المثالية اللي بهتم بيكِ، كنت مقصرة وغصب عني بس دي المفروض ما تبقاش حجة اهتميت بالشغل وأوفر لها حاجات اللبس والمكياج والمدرسة والمصاريف بس فيه حاجات أهم من كدا، روتانا عندها كبرياء فساعات قبل ما تخش تنام تقول لي أنا عايزة حضن كبير أوي وشيء لطيف منها إنها بتتفادى دا مع أولادها اللي همَّ أحفادي، كان نفسي أحضنها أكتر وهي صغيرة، روتانا بنتي جميلة ومحترمة وساعات بحسد نفسي عليها".
العلاقة بين غادة عبد الرازق وروتانا
وعلقت روتانا ابنة غادة عبد الرازق، على اعتذار والدتها قائلة: "ليه بتعيطي، تقاربنا أنا وماما لما كبرت وسافرت الأردن ودرست طيران".
شخصية غادة عبد الرازق مع ابنتها روتانا
ولفتت الفنانة غادة عبد الرازق خلال لقائهما ببرنامج “معكم” الذي تقدمه الإعلامية منى الشاذلي بقناة “أون”: "أنا كنت شديدة غصب عني من اللي اتربيت عليه من أمي وأبويا، روتانا برج العذراء بتخاف مني وعنيدة جدًّا وكنت أقول لها ما تاكليش كتير أصحابك رفيعين جدًّا، بس اللي أطلبه منها كانت تعمل عكسه، أقول لها ما تصبغيش شعرك تاني يوم ألاقيها صابغاه أحمر".
تمرد روتانا
لترد روتانا على حديث غادة عبد الرازق: "أنا ما كنتش متمردة ولكن من باب العند كنت بعمل عكس اللي ماما تقول عليه، بس أنا وهي دلوقت بقينا أكتر من أصحاب وفيه تصالح ما بيننا ومفيش أي حاجة مضايقاني منها بسبب اللي قالته عن تقصيرها معايا فترة طفولتي".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار ، أسعار اليورو، أسعار العملات، أخبار الرياضة، أخبار مصر، أخبار اقتصاد ، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة و السياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
