أحمد حلمي: أبويا ضيّع تحويشة العمر في شركات توظيف الأموال وعشت ظروف صعبة (فيديو)
أحمد حلمي، قال الفنان أحمد حلمي: "كنت معتمد علي نفسي من زمان لأن الظروف المادية بتاعتنا كانت صعبة، مكنش معانا فلوس قعدنا في السعودية 10 سنين وحوشنا فلوس وجاء أبويا بحسن نية وطيبة قلب حط كل فلوسه في شركات توظيف الأموال فراحت الفلوس كلها، قالك لو عايز تيجي تاخد فلوسك تعالى خدها غسالات ومشابك غسيل، وابويا كان عنده رضا كبير".
حياة صعبة لـ أحمد حملي
وتابع خلال لقائه مع الإعلامي أنس بوخش بقناته على "يوتيوب": "دراستي كانت في القاهرة ومكنتش عايز احمل أهلي فلوس، قلت اشتغل بقى وقعدت مع واحد في شقة صغيرة عبارة عن ربع أوضة عملوها أوضتين وطرقة ومطبخ فيه بوتاجاز وشاي وسكر وبس والحمام كله كان 3 في 1 يعني الدوش بيصب في الحوض والحوض لازق في الحيطة واللي يحاول يغشل وشه لازم يوطي والحنفية كانت قد ربع صباع، واللي يدخل يعمل حمام يدخل بضهره، واللي عايز ياخد دوش ياخده وهو بيعمل حمام فكنت باخد دوش وانا قاعد، والسخان كان برة الحمام، قعدت في الشقة دي كتير ومكنتش بعرف انام من صوت القهوة اللي تحت ولا بعرف اعمل حمام ولا استحمى والشقة كانت سجن بالنسبة لي وكنت كاره نفسي وقتها".
انطلاقة احمد حلمي
ولفت أحمد حلمي :"كنت زمان بحس ان ناقصن حاجة فكنت ممكن أهرب من خروجة لإني مش معايا فلوس واهرب من خروجة علشان مش هعرف اقرأ المنيو اللي بالإنجليزي، لكن بحمد ربنا ان عمر ده ما قلب عندي حقد، انا لما عملت برنامج الأطفال زمان خالص مكنتش بظهر بوشي بس ده اداني نور في حياتي خلاني ابقى عندي ثقة في نفسي، انا كنت هاخرج البرنامج بس سناء منصور رئيسة القطاع وقتها، قولتلها انا هاخرج البرنامج مين هيقدمه. فقالت لي محدش هيعرف ده غيرك لازم انت الى اتقدمه وعملته فحسيت بتميز ان عندي حاجة محدش يعرف يعملها غيري، وده فرق في اختياراتي للأعمال الفنية ودايما اروح اختار الحاجات اللي محدش يعرف يعملها غيري".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
