بعد عمرو أديب، لميس الحديدي توجه رسالة للسيسي بشأن حرية الإعلام

لميس الحديدي، قالت الإعلامية لميس الحديدي: "نتمنى كل مرشحين الرئاسة يقدروا يجمعوا التوكيلات، والمفترض أن تكون كل أجهزة الدولة تفتح الباب للجميع".

إجراءات انتخابات الرئاسة

وتابعت خلال برنامج “كلمة أخيرة” المذاع علي قناة “أون”: "عايزين كل إجراءاتنا المتعلقة بانتخابات الرئاسة أمام العالم تكون واضحة وسلسلة وميكونش فيه أي حاجة تشوه المشهد السياسي".

عهد جديد في الإعلام

ولفتت: "نريد من الرئيس السيسي في الفترة المقبلة عهدا جديدا في الإعلام ومساحة للكلام وأن نفتح الأبواب وأن نستقبل الجميع ونريد أن نكون سلطة رابعة كما يقول الدستور والإفراج عن الصحفيين".

عودة الإعلام لقوته

وأضافت: "نتمنى أن يعود الإعلام لقوته مرة أخرى، نبراسا للتنوير، والاستماع لصوت وكلمات الناس، وهذا ما نريده في المرحلة المقبلة".

عمرو أديب للسيسي: لو عايز إعلام كويس سيبنا نشتغل وكل الأصوات تتكلم

السيسي يعلن ترشحه لانتخابات الرئاسة المقبلة.. ويعد بتنمية الحياة السياسية والحزبية.. ويدعو المصريين للمشاركة في الماراثون: انزلوا حتى لو مش هتختاروني

وأكملت: "أمام السيل من الأكاذيب والافتراءات محتاجين شفافية، والرقابة، والحقيقة، وليس الثقة بس، وما زلنا ننتظر رئيس الحكومة يطلع علينا يقولنا ما هو الطريق للخروج من الأزمة والنفق".

شفافية السيسي

وواصلت:" الرئيس أكتر شفافية من الحكومة، هو بيتكلم على كل القضايا والحكومة مش بتتكلم، أتمنى من الرئيس والحكومة إعادة النظر مرة أخرى في مرتبات العاملين بوزارة الخارجية".

علق الإعلامي عمرو أديب، على توجيه الرئيس عبد الفتاح السيسي خلال مؤتمر “حكاية وطن” بتوفير مساحة إعلامية أكبر للمسئولين والوزراء لإطلاع الناس بحقيقة الأمور والإنجازات والمشروعات.

عمرو أديب يدعو لفتح المجال أمام الإعلام

وقال عمرو أديب خلال برنامج “الحكاية” المذاع علي قناة “mbc مصر”: "سيادة الرئيس احنا محتاجين نعرف نتكلم هستغل تحريضك للمسئولين انهم يتكلموا أن يتفتح الكلام بقى، احترمنا على مدى سنوات ظروف البلد والمسألة مش ناقصة نكد وشعللة انما ايضا انا محتاج اعرف اعبر واتكلم اكتر".

عمرو أديب: الإعلام اللي معندوش الفرصة لن يكون مفيدا للدولة
 

وتابع: “سيادة الرئيس، إعلام معندوش الفرصة لأسباب مختلفة أتفهمها لن يكون مفيدا للدولة، الإعلام لازم يبقى فيه آراء مختلفة ونحن حتى الآن نريد أن نأخذ خطوة للأمام في ملف حرية الإعلام، أناشدك في الـ6 سنين اللي جاية دع 100 زهرة تتفتح”.

وتساءل أديب: "هل تعلم يا سيادة الرئيس أن هناك كتاب في بعض الأحيان الكثيرة يبقى كاتب مقال في جريدة ويتم منعها".

طلب عمرو أديب من السيسي
 

وتابع: "لو عايز اعلام كويس يا سيادة الرئيس سيبنا نشتغل وحاسبنا والناس تسمع وتقول، وكل الشخصيات ميبقاش عليها أي حاجة، ومببقاش قلقان لو قلت أي شئ، ده لو عايز إعلام ينور ويوعي".

عمرو أديب للسيسي: هتعمل إيه الـ6 سنين اللي جاية؟

وأضاف: "أنا بستغل الفرصة اللي انت فتحتها النهاردة بخصوص قولوا للناس الحقيقة، أن الـ6 سنين اللي جاية يتفتح المجال للإعلام ياخد راحته".

وأكمل:"سيادة الرئيس أنت قلت على اللي حصل السنين اللي فاتوا هل مش من حقنا بقى أننا نسأل إيه اللي هيحصل الـ6 سنين اللي جاية، احنا مش لاقيين حد يكلمنا ولا يرد علي اسئلتنا، تريد اعلام مميز ومساند دائما سيب له مساحة حرية يسأل ويعرف الحقيقة".

واستطرد: "لما قلت إن مينفعش الإعلام يسيء لحد أنا بقول لحضرتك أن كان شغلي في وقت طويل أني أرد وادافع عن البلد ومكنتش إساءة احنا كنا بنرد على الناس اللي كانت بتحط عناوين وأرقام الضباط اللي كانوا بيتم اغتيالهم بالليل، وبنرد على الناس اللي بتقول امنعوا المساعدات عن مصر".

فرصة حرية الإعلام

وواصل: "بطلب باسم الناس اللى بعتبر نفسي واحد منهم لو سمحت ادينا الفرصة بقى الفترة اللي جاية دي نتكلم ومببقاش حاسس بقلق، احنا بنتكلم علي 20 توك شو من الساعة 8 لغاية 1 الصبح، وانت قلت لنا اننا خلاص مستقرين وبفضلك وبفضل القوات المسلحة تجاوزنا فترة القلق، فلو سمحت اعطونا فرصة نتكلم أعطوا فرصة لكل الناس تعبر".

وتابع: "سيادة الرئيس لما بتتكلم الأجزاء التي تشعر أنها مهمة للناس هي اللي فيها جدل ومصارحة ودي اللي بتصنع وعي للناس، أنا عندي جمهور كل يوم بيسألني هتعرف تتكلم في النقطة دي؟ ونقعد نتناقش أنا وفريق الإعداد بنقعد في حالة صعبة ودلوقتي عمالين يكتبولي علي الشاشة انت مجنون علشان بتكلم في حرية الإعلام، لأ أنا مش مجنون دي شغلانتي وأنا بفهم فيها".

وأردف: "خلي كل الأصوات يا سيادة الرئيس تتكلم.. ماذا حدث في الحوار الوطني؟ احنا محتاجين نتكلم زي ما انت بتتكلم قول للناس الحقيقة حتى لو الواقع صادم، الـ6 سنين القادمة لازم نبنيها بقدرة كبيرة من الاحتواء ومحدش يقولي آه علشان البلد تتهد، احنا بنتضرب كل يوم بالصواريخ بقالنا 10 سنين من قنوات خارجية حصل ليك ايه؟ ولا حاجة الناس بتروح شغلها والأمور عادية، أنا عارف إن الحرية قد تؤدي إلى الفوضى والتخوف شيء معقول ولكن مهم جدا لما آجي اطلع بالليل اتكلم لما أقول للناس الحقيقة علشان يصدقوني".

نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.