السيسي: اتحطت محاولات كبيرة للوقيعة بين الداخلية والجيش، وتفكيك المؤسسات سهل بس الاستعادة صعبة
![الرئيس عبد الفتاح](images/no.jpg)
قال الرئيس عبد الفتاح السيسي: "كل مؤسسة بيتم استهدافها أنت بتفك حاجة في الدولة، فتصوروا إن حد استهدف مؤسسة الرئاسة مش بنتكلم عن حالة مش أشخاص مش حالة رئيس ولا نظام، لما تستهدف المؤسسة أنت شيلت الرأس اللي بتسيطر على مفاصل الدولة".
وتابع خلال مؤتمر "حكاية وطن": "تم استهداف جناح من أجنحة الأمن القومي المصري اللي هي وزارة الداخلية ومش بس كده واتعمل وقيعة اتحطت لها محاولات كبيرة منهم للوقيعة بين الداخلية والجيش وقالوا إن الجيش ساب الداخلية ورطها يعني، دي الحكاية ثم ابتدت بقى قصة حل البرلمان بغض النظر كانت انتخاباته مزورة ولا لأ ودي قصة تفكيك مؤسسات الدولة خلال 2011".
وأضاف: "كان عندنا مؤسسة الداخلية فكتها بغض النظر عن العوار اللي فيها ولكن انعكاس التفكيك اللي حصل في الدولة المصرية كان هيكون له تأثير كبير جدا على استقرارها ومستقبلها بعد كده لإن كل مؤسسة علشان ترجعها مش سهل، مثلا علشان تحل البرلمان علشان ترجعه لازم تعمل انتخابات طيب فيه استقرار ولا لأ طيب فيه قدرة تمويلية طيب العلاقة بين القوى السياسية إيه؟ التفكيك سهل بس الاستعادة مش سهلة، نفس القصة مؤسسة الرئاسة أنت فكتها وشيلتها طيب عايز ترجعها ونخش في مسار هنعمل الدستور الأول ولا البرلمان الأول ولا الرئاسة الأول وبعدين نخش في حالة هشاشة في منتهى الخطورة لدولة ظروفها الاقتصادية صعبة، وفيه عناصر موجودة فاهمة غلط إن لما توقعها هتاخدها وهو مش فاهم لإنه مش متعلم إن اللي بيقع مينفعش يتاخد".
نقدم لكم من خلال موقع (فيتو) ، تغطية ورصد مستمر علي مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.