هنا الزاهد: شعري زي علي ربيع، وشهر العسل أسوأ حاجة حصلت لي

هنا الزاهد، قالت الفنانة هنا الزاهد: "أنا مش بعمل شعري خالص معظم الوقت.. وفي شغلي لما الدور يكون مستحمل الباروكة بلبس الباروكة لإني بخاف على شعري يبوظ، ويقع لإنهم في التصوير بيهروا الشعر".

مشكلة شعر هنا الزاهد

وأضافت خلال لقائها ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: "أنا بحرص إني معملش شعري كتير وأنا شعري أصلا كيرلي في الحقيقة، وأنا كاوياه.. ولو بطبيعته بيبقى كارثة، ولما أنزل البحر وبينشف بيبقى كارثة، شعري لما بينشف من المياه بيبقى زي شعر علي ربيع، ومش حلو، بس أحمد فهمي بيحب شعري الكيرلي عادي".

خوف هنا الزاهد من أحمد فهمي

ولفتت: "بخاف من أحمد فهمي في التصوير لإنه بيبقى متوتر جدا ومبيحبش الغلطات، وبترعب منه، وهو بيراعيني أوي ومبيزعلنيش، وبيهتم بكل الناس اللى حواليه".

وتابعت: "بخاف أضايق أحمد فهمي، وعملنا مع بعض مسلسل الواد سيد الشحات، والعمل ضحك أوي وانبسط أوي في العمل".

تأثر هنا الزاهد من الشائعات

وأشارت: "أنا بتأثر جدا بأي شائعات بتطلع عليا أنا وأحمد فهمي لإني إنسانة، بس بسكت ومش بـرد ولا بتكلم.. بحب حياتي الشخصية بعيدة عن الشغل، والتلعيقات اللي بتضايقني بتخليني أدخل للناس اللي غلطوا وأسألهم ليه كدة؟".

درو تحلم به هنا الزاهد

ولفتت هنا الزاهد: "نفسي أعمل دور واحدة فلاحة من غير ميك آب، ويكون شعري أسود عادي طالما الدور عايز كدة".

تكريم هنا الزاهد ومنذر رياحنة ودنيا عبد العزيز ورانيا فريد شوقي في مهرجان الفضائيات العربية (صور)

هنا الزاهد عن شخصية أحمد فهمي في سفاح الجيزة: بحس إنه غريب في البيت، والفنان يرد

معاناة هنا الزاهد في شهر العسل مع أحمد فهمي 

وأكدت: "شهر العسل كان أسوأ حاجة حصلت لي في حياتي، وتعبت فيه، وجالي فيه حصوات على المرارة ومرارتي اتفقعت وقتها، كان أول يومين الدنيا تمام وتالت يوم كنت مفكرة عندي تسمم.. طلع فيه مشكلة في الحصوات والأطباء هناك في سنغافورة نصحونا أقعد شهر آكل مسلوق وبعدين أعمل عملية، وقتها شهر العسل باظ".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.