السيسي يوجه رسالة قوية للصيادين في بحيرات البرلس وناصر والبردويل والمنزلة
مؤتمر حكاية وطن، قال الرئيس السيسي: "كنا بنتكلم عن 250 ألف فدان في بحيرة المنزلة وكان يتم فيهم إلقاء صرف زراعي في البحيرة، وبالتالي الثروة السمكية اللي كانت ممكن تتزرع أو تنتج تراجعت بشكل كبير، ولكن بعد عملية التطوير بقت حاجة عظيمة بعد التكريك وإزالة التعديات وبؤر مش مظبوطة حتى تعود مرة ثانية الحياة للبحيرة وتنتج أصناف كانت تلاشت منها خلال السنوات اللي فاتت".
تطوير بحيرة المنزلة
وتابع خلال مؤتمر “حكاية وطن”: "عايز اقول لكم وللناس اللى بتسمعني ولأي حد بيتشغل أن الـ250 ألف فدان في بحيرة المنزلة دول عبارة عن مزرعة صناعية طبيعية لو احسنتم استخدامها ونظمتوا بقوة الصيد فيها هي والبردويل والبرلس وادكو وبحيرة ناصر انتاجنا هيزيد عن اللي موجود مرتين وتلاتة وأربعة وهنعطي فرص عمل للناس تكسب منها، بقول للناس اللي في بحيرة المنزلة ولينا إذا مكناش نتفهم يعني ايه بحيرة نقية ويتنظم الصيد فيها ولا يسمح باستخدام وسائل ممنوعة في الصيد ثم مخطط الايقاف الـ4 شهور نلتزم بيها مش هيبقى فيه إنتاج، قولوا للناس اللى بتصطاد ولو 100 ألف صياد لو أعطينا ليهم فترة التوقف عن الصيد دعم 1000 أو 2000 جنيه كل شهر لمدة 4 شهور علشان نعمل إغلاق كامل للبحيرة علشان الراحة البيولوجية والاستزراع اللي بيتم تكون حققت النتيجة هنجد وهيجدوا الإنتاج كبير وبدل ما يطلع 12 كيلو في اليوم الرقم ممكن يتضاعف 3 مرات وبالتالي العائد بتاع الصياد هيزيد".
وأضاف: "تطوير البحيرات وزارة الزراعة مدفعتش حاجة الموضوع شغال بين هيئة قناة السويس والكراكات اللي اشتريناها ومدخلناش شركات اجنبية لإن ده هيكلفنا 300 مليار جنيه فجيبنا احنا كراكات واشتغلنا بنفسنا، وبعد تطوير بحيرة البرلس مينفعش نرجعها لوضعها السيئ تاني".
الحفاظ علي البحيرات والثروة السمكية
وتابع: "بقول للي في بحيرة البردويل والبرلس وناصر لازم نحافظ على البحيرات بعد تطويرها والثروة السمكية الموجودة، عينينا على تعظيم ما لدينا".
يد الإهمال في البحيرات السمكية
وأشار: "خلال السنوات الماضية يد الإهمال خرجت بحيرات كان فيها أسماك كويسة ومقومات ولكن الاهمال وقعها، علشان كده احنا شغالين علي تطوير كل البحيرات وبحيرة ناصر كانت دايما بتقدم أنواع من الأسماك بأسعار منخفضة جدا ولكن علشان تظل داخل الخدمة لازم يبقى فيه بعد اقتصادي، يمنفعش نبيع الحاجة بأسعار رخيصة نيجي نلاقيها طلعت بعد 6 سنين بعد ما صرفنا مليارات جنيه ونخسر قدراتنا الذاتية".
نقدم لكم من خلال موقع (فيتو) ، تغطية ورصدا مستمرا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
