محمود عبد المغني: لولا أمي كان مستقبلي ضاع (فيديو)
محمود عبد المغني، قال الفنان محمود عبد المغني: "أنا مستور بأمي الله يرحمها وعايز أقول لها إني بحبك وبفوت في الحديد بيكي، وعمري ما إنحنيت زي ما إنتي قُلتي واقف، ومبخافش من أي حاجة طول ما إنتي داعية ليا وإنتي أساس كل حاجة".
شخصية والدة محمود عبد المغني
وأضاف خلال برنامج "واحد من الناس" الذي يقدمه الإعلامي عمرو الليثي بقناة "الحياة": "أمي ست صعيدية قناوية وكل عناصر الأم العظيمة كانت فيها الله يرحمها وصعب أي حد يعوضها، وفكرة إن الوقت هينسيهالي ده مش حقيقي".
دعم والدة محمود عبد المغني
وتابع: "لولا والدتي كان مستقبلي ضاع.. كنت هطلع من المدرسة وهي كان بالنسبة لها إني لازم آخد شهادة عالية لإن أهل أبويا كلهم متعلمين وشهادات عالية، وعملت المستحيل علشان مطلعش المدرسة وضربتني بالقلم لما قلت لها مش هكمل دراسة، ووطت على الناظرة إجلال وقالت لها لازم يتعلم وإديله فرصة وهيبقى له مستقبل".
وصية والدة محمود عبد المغني ليسرا
ولفتت: “أمي كان نفسها أبقى ظابط، وكان عندها الحلم ده، وبعد كده لما قلت لها همثل بعد لما عملت أول مسرحية في اتحاد الطلاب في الكيت كات، كنت بعمل ميلودراما لوحدي فهي إنبهرت وبدأت تسقف لي، وتقول ده إبني وحضنتني، وأنا واقف على خشبة المسرح وأنا طبعا نطيت وخدتها بالحضن وبقى فيه مسرحية تانية، وقالت لي أنت كويس، وزي أبوك لإن أبويا كان غاوي تمثيل، وهي طلبت تحضر العرض الخاص بتاع فيلم ”دم الغزال"، وفعلا حضرته وجت معايا، وإنبسطت وكان الغرض من حضورها العرض الخاص إنها تشوف الفنانة يسرا، ولما شافتها حضنتها، ولحد قريب يسرا قالت لي أمك لما حضنتني وصتني عليك وقالت لي خلي بالك من محمود".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
