عبير صبري: كان نفسي يكون عندي طفل بس ما حصلش خلاص وراضية بالقضاء والقدر (فيديو)
عبير صبري، قالت الفنانة عبير صبري: "كان نفسي يكون عندي طفل بس ما حصلش خلاص وده الخير ليَّ، الحمد لله أنا راضية وسعيدة بالقضاء والقدر واللي ربنا كتبه".
سر خوف عبير صبري من الأطفال
وتابعت خلال لقائها ببرنامج "أسرار النجوم" المذاع على إذاعة نجوم إف إم: "لو عندي طفل وعنده تطبيقات وألعاب وسوشيال ميديا وعلى اتصال بعالم خارجي غامض شرير مش مفهوم مل أحبش يكون عندي طفل لأني مش هعرف أحميه".
معاناة تربية الأطفال
وأضافت عبير صبري: "الغرض من أي نعمة ربنا بيعطيها لنا هي حماية وصيانة النعمة دي مش إننا نتجوز ونخلف ونجيب عيال لكن كل حاجة بناخدها ربنا بيختبرنا فيها، ولو عندي طفل لازم أربيه كويس وأطلعه كويس ويكون مسؤول ومفيد لنفسه وللناس، ولو أنا مش هعرف أسيطر على دا نتيجة المؤثرات الخارجية ووسائل الاتصال مش هقدر أتحمل كده مش هقدر أتحمل طفل ماسك اللاب توب أو التليفون ومتصل بالسوشيال ميديا وعالم آخر ما أعرفش خطورته إيه".
مشكلة المراهقة في زمن السوشيال ميديا
ولفتت: "من 4 سنين شُفت فيلم على نتفليكس بيحكي حكاية مراهق بيقعد على اللاب توب وبيعمل حاجات وتطبيقات والعاب وطلب منه الشريك الآخر اللي بيلعب معاه حاجات إباحية ولا أخلاقية فتورط في الحاجات فبدأ الشخص يهدد بالحاجات اللي صورها له والتاني خايف من أبوه وأمه والفضيحة في المدرسة ومش عارف يتصرف الطرف الثاني قال له هعفيك من الفضيحة بس نفذ تعليمات ومنها نفذ جريمة قتل وسرقة، ودي كارثة السوشيال ميديا والتطبيقات اللي احنا بنعيشها".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
