أورتيجا: الناس كانت بتتريق علينا زمان أنا وأوكا

تحدث مؤدي المهرجانات أورتيجا  عن بدايته مع أوكا قبل انفصالهما فنيا في عام 2020   قائلا ؛" أنا وأوكا  قبل ما ننجح كنا بننزل الحنة في الشارع  كنا بنغني راب والناس تقعد تتريق علينا.

بداية أوكا وأورتيجا 

وأضاف من خلال تصريحات تلفزيونية:" وانا كنت زعلان أن الراب مكنش متشاف في مصر هو كان في العالم كله رقم واحد  وفي مصر إحنا عندنا ناس جامدة أوي  نجحت بس مش واصلين للشوارع والحارات.

وشهدت الساحة الفنية في  شهر يوليو من عام 2020 انفصال أوكا و أورتيجا عن بعضهما البعض بعد تعاون فني دام بينهما إلي ما يقارب العشرة سنوات حيث أكد ذلك  وقتها أورتيجا من خلال موقع تبادل الصور والفيديوهات "إنستجرام"، الأمر الذي جعل الجمهور في حالة من الإستياء الشديد، وفي عام 2021 ظهر الثنائي مجددا مع بعضها البعض في بث مباشر لأول مرة بعد خبر انفصالهما وأعلن الثنائي من خلال البث المباشر بأنهما يجددوا التعاون بينهما فنيا مرة أخرى.

وكان قال  "أورتيجا" في تصريح سابق لفيتو:" هانت خلاص وفي مفاجآت جامدة أوي للجمهور إن شاء الله.

وفي وقت سابق تعرض مؤدي المهرجانات أورتيجا لهجوم وسخرية من رواد مواقع التواصل الاجتماعي، بعدما شارك متابعيه بصورة جديدة له على حسابه الشخصي عبر موقع التواصل الاجتماعي "فيس بوك" مصحوبة بتعليق "اعرق تنجح". 

وانهالت التعليقات السلبية على أورتيجا من قبل بعض المتابعين لديه، وهو الأمر الذي تفاجأ به، وجعله يرد بكتابة منشور طويل.

وقال: "المشكلة إن أنتو بتتريقوا وبتقفوا على أي حاجة خد الكلمة زي ما تاخدها بس لو فكرت فيها من غير ما هتفهم بس أنت مش مدي مساحة حتى تفهم داخل تتريق علشان كده صدقوني بتحبطو نفسكم وطاقة سلبية فعمرك ما هتعمل حاجة في حياتك غير إنك تتريق على أي حاجة اللي واقف قدامك العبد لله ده مش هقولك بقى جايبها من تحت وشوفت لأن كلنا كده العرق في تفكيرك وتجتهد". 

تابع: “وتنفذ اللي أنت بتفكر له ويكون عندك يقين وإيمان بالحاجة دي وشوف ربنا هيعمل معاك إيه وأنا مسامح أي حد بيشتم أو بيتريق هو بيشتم نفسه، وبيتريق على نفسه أصلًا بس ليك يوم ربنا هيشاور عليك وهتنجح بس مقابل إنك تعرق وتشتغل على نفسك هتشوف النجاح وعلى فكرة سيبك من الشهرة فاكس النجاح اللي طعمه حلو لما تدوقه هتفهم مش أكتر ادي نفسك فرصة في نفسك ركز مع نفسك مش مع غيرك هتشوف الفرق صدقني”.

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.