عمرو أديب يفتح النار على ميدو، ويكشف قصة عم مجدي (فيديو)
![عمرو أديب وميدو،](images/no.jpg)
عمرو أديب، قال الإعلامي عمرو أديب: "عم مجدي اللي شتمني في مؤتمر مرتضى منصور بنادي الزمالك هو نفسه كان إخوان، فأنا مش مستغرب إنه ماشي مع مرتضى".
انتماء عم مجدي للإخوان
وعرض عمرو أديب، خلال برنامجه "الحكاية" المذاع على قناة "إم بي سي مصر"، فيديو يظهر فيه مجدي وهو يدعم جماعة الإخوان.
قصة ميدو مع مرتضى منصور
ورد عمرو أديب منفعلا، على تصريحات أحمد حسام ميدو لاعب الزمالك السابق، قائلا: "ميدو اللي طالع من كام يوم يقولك أصل انت عندك مشكلة مع مرتضى منصور، أنا مشكلتي يا ميدو مع مرتضى ابتدت بسببك فاكر، واللي أفكرك لما قالك أنا هعلقك من رجليك في الاستوديو لو طلعت مع عمرو أديب، ويومها أنا أخدت المسئولية وقلت لأ ميدو هيطلع ويتكلم".
مشكلة عمرو أديب مع مرتضى منصور بسبب ميدو
وتابع: "فاكر يا ميدو مرتضى منصور يوم ما طلعت معايا قال عليك إيه؟ بيتعمل فيك إيه؟ فاكر اليوم ده ولا لأ؟ أنا اتخانقت مع مرتضى منصور من الأول بسببك يا ميدو".
مكالمة ميدو بسبب مرتضى منصور
وأكمل: "فاكر يا ميدو لما كلمتني وقلت لي يا عمرو أنا هتصالح مع مرتضى منصور علشان مش كل شوية يشتمني وأنا داخل وخارج من البلد مش عايز حد يضايقني ولا يشتمني، وقتها قلت لك خلاص يا ميدو ربنا معاك وفضلت مشكلتي مع مرتضى مكملة 15 سنة بدايتها كانت مع ميدو، وهددني وقتها إنه هيقفل المحطة لو طلعت ميدو طبعا لا هو ولا اللي يتشددله كان يقدر يقفل المحطة، وقال لي أنا جاي أعلق ميدو من رجله وشتمه، انت بقى جاي دلوقتي يا ميدو بتسأل وتقول إيه مشكلتك مع مرتضى، ده ربك دلوقتي يمهل ولا يهمل وكل يوم ربنا بيوري لمرتضى آية من آياته وكل يوم قضية شكل وبلاغ شكل وحاجة شكل، هو قصته كلها الحديدة شكله كان نفسه يبقى مذيع".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية