رامي جمال: مريت بحالة اكتئاب وأهلى عملولي رقية شرعية وهذه قصتي مع سعد لمجرد (فيديو)
رامي جمال، قال المطرب والملحن رامي جمال:"اليسا وأمير طعيمة خبوا علي أن اللى هيعمل معاها اغنية من أول ديقة، كان سعد لمجرد، ومسألتش ليه كانوا مخبيين لكن كانوا مضطريين في النهاية يقولولي علشان اعرف ألحن بناءً عن مساحة صوته".
قضية سعد لمجرد
وأضاف خلال لقائه ببرنامج "حبر سري" الذي تقدمه الإعلامية أسما ابراهيم بقناة "القاهرة والناس":"انا مش رافض لسعد لمجرد ولحد الآن قضيته متحكمش فيها الحكم النهائي، وشوفت لاعيبة كرة كتير في الخارج بيكون فيه ادعاءات ونيمار ربنا نجاه علشان كان حاطط تليفون فصور الواقعة، فمش عارفين سعد حصله ايه وانا مش وظيفتي اربي سعد لمجرد أو غيره ولكن بتعامل مع فنان ناجح وصوته حلو وأول واحد يعدي مليار مشاهدة في الوطن العربي ومن معاملته معاه الولد متربي جدا وله غلطات لأننا مش أنبياء".
اقتباس لحن يا رايح وين مسافر
وعن ما تردد حول اقتباسه لحن اغنية من غيرك في القلب، من أغنية يارايح وين مسافر، علق:"التشابه في الاتنين هو أن التوزيع راي ولكن مفيش تطابق وكانت اتحذفت من على يوتيوب".
رقية شرعية لرامي جمال
وأكد:"جئت في وقت ساكت ومبتكلمش لإني كنت تعبان وأهلي عملولي رقية شرعية، والفترة دي كنت بخرج من دكتور لدكتور، وعرفت بعدها أنه كانت اكتئاب وتمكن شوية بس الحمد لله بوجود أهلي وناس عنها طاقة حلوة عديت المشكلة".
قال المطرب والملحن رامي جمال:"بعد إصابتي بمرض البهاق صديق من الوسط الفني مش هقدر أقول اسمه قاللي شوفلك شغلانة تانية لو انت متعالجتش".
رامي جمال يقطع علاقته بصديق بالوسط الفني
وأضاف خلال لقائه ببرنامج "حبر سري" الذي تقدمه الإعلامية اسما ابراهيم بقناة "القاهرة والناس":"صديقي ده كان عايزني اشوف علاج لمرض البهاق، واحنا من بعد الموضوع ده مبقناش صحاب، وانا اخدت قرار بالابتعاد عنه نتيجة عدة مواقف".
انسانية اهل شبرا
وتابع:"عشت عند جيران جدتي في شبرا كنت اعدي عليهم لما يشوفوا البهاق الست تمسك ايدي وتبوسها وتقولي الله ومنهم مبيعرفش يقرأ ولا يكتب والحياة بالنسبة لهم بسيطة ودول بالنسبة لي متعملين وفاهمين في الذوق والانسانية والأشخاص اللى ضايقتني اللى مصروف عليهم كتير في التعليم بس مدرسوش انسانيات ولولا اني قوي شوية وحواليا ناس بيحبوني ومصممين اني اعدل الحاجات اللى من وجهة نظري هبلة كنت ممكن أحبط ومعرفش اروح فين".
موقف رامي جمال من اصابته بمرض البهاق
وأكمل رامي جمال:"انا دلوقتي مش شايف البهاق بس هو ظاهر عندي، واللهم لك الحمد انا اترضيت جدا من ربنا والناس علشان انا نيتي كويسة".
ولفت:"ناس كتير في الوسط الفني وقفوا جنبي وانا مرزق بزيادة ".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ،أسعار العملات ، أخبار الرياضة ، أخبار مصر، أخبار الاقتصاد، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
