خالد الفايد: أنا غير مؤهل للنقاش في الدين وهستغل صوتي في قراءة القرآن ورفع الأذان

أعلن المطرب الشاب خالد الفايد، أنه لن يدخل في مناقشات دينية مرة أخرى، مؤكدًا أنه سوف يستغل موهبته في قراءة القرآن الكريم ورفع الأذان والإنشاد الديني فقط.

وكتب خالد الفايد منشورًا عبر حسابه الشخصي بـ فيس بوك، قال فيه: في موضوع مهم حابب أتكلم فيه مع أصحابي وحبايبي، أنا آسف لكل واحد زعل مني بقصد أو من غير قصد، كلنا بنغلط مفيش حد معصوم عن الغلط، أنا لسة قدامي سنين وسنين علم عشان أقدر أقول عن دا غلط وده صح دخلت في مواضيع كتير وهاجمت الوهابية، وهاجمت ناس كتير بتمنى من كل واحد زعل مني يسامحني.

وتابع خالد الفايد: أنا بوعدكم إني مش هدخل نقاشات في الدين نهائيًّا، مع أي حد لأني لسه ما عنديش العلم ولا القدرة على النقاشات دي، أنا شاب بسيط ربنا أنعم عليَّ بنعمة الصوت، أنا هحاول قد ما أقدر استغله في قراءة القرآن والأذان والإنشاد الديني بس.

وأكمل خالد الفايد: زي ما أنا مش هتكلم عن حد، ولا هفتح نقاش أتمنى منكم تحترموا اختياري، إني أكون صوفي أو أي شيء تاني، وفي النهاية كلنا مسلمين، شكرًا لكل اللي كملو كلامي، وفتحو قلوبهم عشان يسمعوني، أخوكم في الله خالد الفايد.

على الجانب الأخر، كانت دخلت منذ فترة، عفاف جريس، زوجة المنتج ومهندس الصوت هاني محروس، علي خط أزمة تصريحات خالد الفايد الأخيرة، بشأن تعرضه للتهديد من قبل زوجها، بعد اعتزاله الغناء كونه كان ملتزمًا معه بعقد وشرط جزائي ولم يلتزم بالمدة المحددة بالعقد.

وكتبت عفاف جريس منشورًا عبر حسابها الشخصي بموقع فيس بوك، كشفت من خلاله العديد من التفاصيل حول علاقة هاني محروس بخالد الفايد، قائلة: بما إن الموضوع انتشر وهاني محرج علينا إننا مانتكلمش، بس أنا مش هقدر لأن الكلام ده كبير ودخل في الديانات.

وتابعت عفاف جريس: خالد الفايد إنت قبل ما تعتزل بنص ساعة كنت عايز عقدك أنت ومامتك وخالك، علشان زعلان من هاني إنه أول مرة يزعقلك علشان بتنزل بوستات هبلة وبيقول لك إنت مشروع نجم لازم تاخد بالك من تصرفاتك وفيديوهاتك.

واستكملت عفاف جريس: هاني محروس ده اللي قعدك في بيته في القاهرة سنتين و24 ساعة قاعد في الإستوديو معاه ومع فنانين مصر كلهم واعتبرك ابنه.
 

واصلت عفاف جريس حديثها قائلة: شهادة حق اتحاسب عليها قدام ربنا، خالد كان عايز العقد علشان يشتغل لوحده ويبعد عن هاني، مش علشان يعتزل خالص ولما هاني قال لمامته أنا عامله ألبوم وصارف عليه  يمشي إزاي، لقي الدنيا مقفولة في وشه، وطلع من الاستوديو كتب الكلمتين  دول عنده على فيس بوك، وقال مش عايز حاجة من الدنيا، ومش عايز الفن والكلام اللي كتبه اتفهم  أنه اعتزل، وفي نص ساعة بقت مصر كلها بتدعي له بالهداية وطبعا دي الحاجة الوحيدة  اللي ما يقدرش يعترض عليها.

واختتمت عفاف جريس حديثها قائلة: يعني من الآخر بوست صغير منه حكم على نفسه إنه أنهى طريق لسه ما بدأش فيه أصلًا، واحنا قلنا كعيلة مسيحية كل صحابنا وحبايبنا مسلمين أكيد ربنا كان كاتب له كده وربنا يعوض علينا الفلوس اللي اتصرفت عليه، وهو عيل صغير ويشيل شيلته ونسيناه خالص ولا بنهدده ولا فاكرينه أصلًا، هاني محروس ابن أصول مفيش أجدع ولا أرجل ولا أكرم منه والدنيا كلها تشهد بده مش أنا بس.

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.