محمد صبحي: مستعد أكتب الأسماء اللي بتدمر الفن وبيجروا ورا الدولارات (فيديو)
محمد صبحي، قال الفنان محمد صبحي: "في كل العقود من أول العشرينيات أوائل القرن كان فيه روض الفرج وعماد الدين وأعمال مسفة ولكن ليست هي السائدة، والمسرحية أو الفيلم السيئ كان يقع تاني يوم والمنتج يتدمر، إنما السائد هو الأعمال الجيدة".
قامات مصر العظمى
وأضاف خلال مداخلة هاتفية ببرنامج"حضرة المواطن" الذي يقدمه الكاتب الصحفي سيد علي بقناة "الحدث اليوم": "أنا طالبت حد معني أوي بالدولة أو من الجمهور يحط قائمة بكل عباقرة مصر من أول القرن لغاية النهارده والله العظيم تلاتة هنتكشف ونتكسف، أنا قارئ للتاريخ ومهموم بتاريخي وتاريخ وطني اندهش لما مصر تبقى محتلة 70 سنة احتلال إنجليزي وتكافح ضد الاحتلال علشان تتحرر وفي الوقت ده يظهر قامات مصر العظمى إذن إحنا محتاجين نسأل نفسنا إحنا عندنا خريطة ثقافية وإعلامية؟ ".
طلب محمد صبحي من السيسي والحكومة
وتابع محمد صبحي: "ياما طالبت الدولة والحكومة والرئيس كمصري مش كفنان لازم يبقى فيه وزير إعلام له سياسة إعلامية إحنا مش هيئات حتى هيئة المسرح من أيام عبد الناصر فيه وزير ثقافة له خريطة ثقافية، لما نقول إن البديل هو الجيد وكاميرات القنوات تجري علي التريندات والتفاهات، لما نوجد البديل منلاقيش كاميرا بتيجي لمطربين جيدين وممثلين جيدين ومحترمين بيحترموا المهنة وشرف المهنة ويكون الكلام أصل ده شيء محترم وجاد أوي ومش هي إنما إحنا عايزين البنت اللى علي التيك توك وتطلع في 5 و6 مسلسلات والأكاديمية الفنية مبيشتغلوش.
وأكمل: أنا آسف إحنا ساعات بنتكلم غلط وكلامنا لا يعني الإستهانة بالإنجازات اللى في الدولة نعترف بكل إنجاز يتم وشيء لم نتخيله خاصة بعد انهيار وتدمير الدولة وربنا انقذنا من الهلاك والظلام ولما مصر تيجي تقف علي رجليها بقولها من فضلك سيبك من الإعلام والثقافة دي مش شغلتك دي شغلة أدباء وفنانين ومفكرين ضيعوا عمرهم في ده.
وأوضح: الدولة بلاش تصرف علي مسلسلات وأعمال دليفري الفن زي كنتاكي ويتم إذاعته ومسرحية تتعمل في أسبوع واقلب وبكده نفقد ريادة مصر والشعب المصري، كده مينفعش اللى بيحصل لأن كده انتوا بتقتلوا الثقافة والفن والفكر، الفن قائم علي مفكرين وكل الأدباء والعظماء اللى كتبوا في الأدب استعانت بهم الدراما التليفزيونية والتليفزيون أنشئ سنة 1960 وكان فيه فطاحل بتتقدم".
سخافة مسلسلات رمضان
ولفت:"الورش دي كلمة سخيفة ومش علمية 5 او 7 بيعملوا مسلسل فنلاقي 3 مسلسلات في رمضان الزوجة بتخون زوجها مع اخوه لإن هما نفس الورش".
اغعلان الرقص
وأشار:"لا مؤاخذة لما الاقي فنان عظيم بيمثل مسلسل عن نصر أكتوبر أو الحرب أو الجيش ويقطع المسلسل ولاقيه نفسه بيعمل إعلان بيترقص حول العربيات، وبعدين افتح علي برنامج حواري الاقيهم هما نفس الممثلين اللي بيمثوا ويعملوا إعلانات".
مدمرو الفن
وأكد:"انا مستعد اكتب الأسماء اللى تدمر الفن وبيجروا وراء الدولارات، اللى بيحصل ده كارثة كبيرة علي ريادتنا وقوتنا وتصب في مصلحة عدونا".
ونقدم لكم من خلال موقع "فيتو"، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار ، أسعار اليورو، أسعار العملات، أخبار الرياضة، أخبار مصر، أخبار اقتصاد ، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة و السياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.
