محمد هنيدي عن رحمة أحمد: كوميديانة رهيبة بس تظبط نفسها شوية (فيديو)
محمد هنيدي، كشف الفنان محمد هنيدي سر الخاتم المقلوب الذي يرتديه، قائلا: "خاتم عادي وقالبه علشان الحجر ممكن يتجرح من أي حاجة وبحميه من التشرخات".
موقف أبناء محمد هنيدي من التمثيل
وأضاف محمد هنيدي خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "مفيش حد من ولادي غاوي تمثيل ولو بنتي قالت لي إنها قررت تمثل هيكون موقفي حسب اللحظة اللي بتقولي فيها".
توافق بنتك تمثل؟ محمد هنيدي يرد
وتابع: "لو ما وافقتش إن بنتي تشتغل في التمثيل دا مش معناه إن المهنة فيها حاجة لإني أنا بنتمي ليها وأتشرف لكنها شاقة واللي موافق على كدا أهلًا وسهلًا، وبنتي هي المسؤولة حاليًّا عن شركة الإنتاج الخاصة بيَّ".
محمد هنيدي يدافع عن رحمة أحمد ويوجه رسالة لها
ودافع محمد هنيدي عن الفنانة رحمة أحمد، قائلًا: "واحدة طلعت في سنة وطوب الأرض حبها وشكر فيها ودا يعني إن فيه موهبة من عند ربنا وحاجة جميلة أيًّا كانت اتفقنا اختلفنا زودت في الدور أو قللت أو أفورت نقوم نقطع رقبتها".
واستطرد: "الهجوم كان شديد عليها، اللي يحكم على الأفورة المشاهد بس نناقش على الموضوع بهدوء، ولكنها موهبة كلنا فرحنا بيها وأنا أول واحد وهي كوميدية من الطراز الجميل وإذا كانت أفورت تظبط نفسها ما أفورتش خلاص لكنها كوميدية مهمة ورهيبة".
في نفس اللقاء، رد الفنان محمد هنيدي، على تصريحات المخرج جمال عبد الحميد المسيئة له واتهامه بتعاطي المخدرات في الكواليس وإنقاذ شريهان له.
تصريحات غريبة من جمال عبد الحميد
وقال محمد هنيدي: "حاجة عجيبة تصريحات الأستاذ ضدي، وأنا وغيري من اللي جاب سيرتهم في حالة من الاستغراب الشديد والصمت هنقول إيه يا جماعة ده".
موقف هنيدي من جمال عبد الحميد
وتابع: "شيء مش مفهوم اللي قاله المخرج جمال عبد الحميد واحنا ناس مش صغيرين علشان نقعد نرد على بعض وحاجات فاضية بقالها 40 سنة، موقف مش ظريف الصراحة".
رسالة محمد هنيدي لـ جمال عبد الحميد
وأكمل: "في النهاية التسامح شيء جميل أوي بس في النهاية لها حدود وهسامح لوجه الله هرتاح لإنه في الآخر كلام فاضي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
