عمرو مصطفى يتوعد تامر عاشور بحذف أغنية له من يوتيوب (فيديو)

قال الفنان عمرو مصطفى: "مشكلتي انتهت مع تامر عاشور بعد لما كتب منشور أقر فيه بأنه حصل على لحن مني دون علمي والمطلوب كتابة اسمي كملحن على الأغنية أو يتم حذفها من على يوتيوب خالص لإن هي كده كده هتتشال وأنا أهدافي أدبية مش مادية".

تحرك عمرو مصطفى ضد تامر عاشور

وأضاف خلال مداخلة هاتفية ببرنامج "90 دقيقة" المذاع علي قناة "المحور": "لو تامر عاشور كتب أن الأغنية من ألحاني هحذفله الأغنية من علي يوتيوب لإن أنا مش عايزه يغنيلي".
 

هدف عمرو مصطفى

وتابع:"أنا باحث عن حقوق المؤلفين والملحنين اللي بيتنازلوا عنها لبعض شركات الإنتاج علشان هما وأولادهم ميمدوش ايديهم لأي حد".
 

دعم عمرو مصطفى للموسيقيين 

وأكمل عمرو مصطفى: "عايزين الناس الغلابة الموجودة في الموسيقى نرتقى بيهم ونعملهم حياة كريمة، وانا مش بلحن في مصر بس انا بلحن في العالم كله وانا مش مغرور بس انا هتواضع مع أي حد ولا هعطي فرصة لحد يسرقني تاني".
 

أنا اللي دخلت الجيتار مصر، عمرو مصطفى يكشف وجهة نظره في تصريح سابق بشأن الجيتار

عمرو مصطفى لـ تامر عاشور: كنت بتقف قدامي زي التلميذ ما بتردش وفي النهاية تسرقني (فيديو)

في وقت سابق، رد الفنان عمرو مصطفى، على هجوم المطرب تامر عاشور عليه، قائلًا: "يا تامر فيه أغنية عملتها لمصطفى صندل التركي وأنت أخدتها وعملت الأغنية دي وأخدت اللحن والتوزيع الموسيقي ونزلت وكتبت عليها اسم ملحن تاني وأنت المفروض جوا الصناعة، الصناعة اللي بقى كل اللي بينتجوا أغاني بيسرقوا الأغاني والألحان".
 

سرقة أغاني عمرو مصطفى

وتابع خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "لسه فيه أغنيتين خدهم مطربين مهرجانات وسرقوهم هل دا مش معناه إن الصناعة اتدمرت".
 

صورة الفن المصري
 

وأضاف: "تامر عاشور هل وجود المهرجانات وصورتنا برة مصر وصورة أم كلثوم وعبد الحليم حافظ حاجة كويسة وترضيك ولا لأ".

عمرو مصطفى يتهم تامر عاشور بسرقة ألحانه
 

واكمل: "مش هعتب عليك يا تامر عاشور إنك أخدت الأغنية بتاعتي، بس أنت مثل من الأمثلة اللي استباحت الجمل اللحنية لأشخاص موجودة وحية وعايشة ومش هرد عليك أكتر من كدا".

رسالة عمرو مصطفى لتامر عاشور
 

ولفت: "قابلت تامر عاشور قبل كدا وقلت له لما تحب تقول حاجة تعالَ قلها لي وكان ساعتها واقف زي التلميذ ما بيردش، ولما قال عليَّ عمود من أعمدة الصناعة كان المفترض يستأذني قبل لما ياخد أغنيتي وخدها واستبحاها ونشرها على يوتيوب من غير حد ما يستأذني ولا يكتب اسمي".

 ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، كأس مصر، دوري القسم الثاني، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية